Shtatë anëtarë të organizatave Partia e Punëtorëve të Kurdistanit dhe FETO-s janë arrestuar nga xhandarmëria turke në Edrene, teksa tentonin të arratiseshin drejt Greqisë.
Sipas “Skaigr”, guvernatori i qytetit turk Edrene ka theksuar se “vazhdojnë aktivitetet e sigurisë dhe rendit publik në vijën kufitare nga ekipet e Administratës së Xhandarmërisë Krahinore”.
"Shtatë terroristë u arrestuan, nga të cilët 1 ishte anëtar i organizatës terroriste PKK dhe 6 ishin anëtarë të FETO . Ata po përpiqeshin të kalonin në Greqi ilegalisht javën e fundit”, - thuhet në deklaratën e autoriteteve turke.
Për Turqinë, si dhe një sërë vendesh kryesore të Perëndimit, organizatat PKK dhe FETO janë të klasifikuara si organizata terroriste.
Partia e Punëtorëve të Kurdistanit, ka pranuar se fundmi autorësinë e sulmit terrorist që ndodhi më 23 tetor pranë Ankarasë, ku mbetën të vrarë 5 persona, si dhe u plagosën 22 të tjerë.
