Pas deklaratës së fortë të Ministrit të Jashtëm turk Mevlut Çavusoglu se "Nëse SHBA na përjashtojnë nga programi për blerjen e avionëve F-35, Turqia mund t'i plotësojë nevojat e saj nga burime të tjera, duke pritur të prodhojë avionët e saj", i dërguari i posaçëm i SHBA për Sirinë dhe koalicionin anti-ISIS, Xhejms Xhefri, ka mbërritur sot në Ankara për bisedime me autoritetet turke.
Fokusi i bisedimeve do të jetë situata në Siri dhe programi luftarak amerikan F-35.
Në lidhje me situatën në Siri, Rexhep Tajip Erdogan vazhdon të këmbëngulë kundër mbështetjes së SHBA ndaj kurdëve në veri dhe për krijimin e një zone tampon.
Sipas burimeve lokale, azhenda e të dërguarit të Donald Trump do të jetë e vështirë dhe ai do të ketë gjithashtu një betejë të ashpër lidhur me programin luftarak amerikan F-35, nga i cili Turqia sapo është përjashtuar pas blerjes nga Ankaraja të sistemit raketor rus S- 400.
Komente
