Në Turqi pavarësisht se disa prej ndërtesave mezi kanë qëndruar ‘në këmbë’ pas tërmeteve të fuqishme që kanë goditur vendin, qytetarët kanë rrezikuar jetën duke hyrë në banesat e tyre për të marrë çfarë ka mbetur brenda.
Ekspertët iu kanë bërë thirrje që të mos tentojnë të hyjnë brenda shtëpive të cilat pothuajse janë gati për t’u rrëzuar, sepse nuk i dihet nëse vendi mund të goditet nga një tjetër tërmet që mund të rezultojë fatal për ta.
Duke bërë këtë veprim, ata tregojnë një papërgjegjshmëri të plotë duke neglizhuar thirrjet e ekspertëve. Ditën e djeshme, një tjetër tërmet i fortë, me magnitudë 5.6 ballë tronditi lindjen e Turqisë duke shembur 29 ndërtesa dhe duke zënë poshtë dhjetëra njerëz të cilët gjendeshin brenda apartamenteve të tyre për të marrë sendet personale.
Një person humbi jetën dhe qindra të tjerë u plagosën si pasojë e shembjes së disa ndërtesave. Madje siç shihet edhe në foto, turqit kanë punësuar edhe vinça për të hyrë brenda shtëpive të tyre.
