Receta e parë: Bullgur kokërrmadh me pulë
Përbërja:
1 gotë uji bullgur kokërrmadh
2 lgj vaj ulliri
100 gr kraharor pule
4 qepë jeshile
3 kajsi të thata
1 lugë margarinë
1 lk kripë
1 lç piper i zi
2 gota ujë i zier
Përgatitja:
Shtojmë në tigan vajin e ullirit dha margarinën. Pasi të shkrijë, shtojmë mishin e pulës të prerë në kubikë. E kaurdisim për 3 minuta dhe më pas shtojmë qepët dha kajsitë e kaurdisura. Më pas bullgurin, kripën, piperin e zi dhe ujin e zier. I lëmë në zjarr për 15 minuta. E servirim pas 20 minutash.
Bullgur kokërrmadh me pulë
Receta e dytë: Tavë me brokoli dhe lulelakër
Përbërësit:
500 gr brokoli
500 gr lulelakër
3 kokrra vezë (të verdhat)
100 gr djath i bardhë
100 gr djath kaçkavall
Kripë dhe piper i zi
1 gotë qumësht
30 gr gjalp
Përgatitja:
Ndajmë lulelakrën dhe brokolin në lule dhe i shpëlajmë mire. Fillimisht vendosim një tenxhere me ujë të vluar, shtojmë në të kripë dhe fillimisht ziejmë lulelakrën për 3 minuta dhe më pas shtojmë brokolin dhe i lemë të ziejnë së bashku për 3-4 minuta. Largojmë më pas perimet dhe i vendosim në një tavë të lyer me pak gjalpë.
Ndërkohë në një tas përziejmë të verdhat e vezëve me djathin e bardhë të thërrmuar dhe djathin kaçkavall të grirë në rende. I përziejmë mirë duke shtuar më pas një gotë qumësht, kripë dhe piper të zi. E shtojmë më pas këtë masë në taven me brokoli dhe lulelakër, vendosim disa thërrime gjalpë dhe e fusim tavën në furrë në temperaturën 180 gradë Celsius për 20 minuta derisa të marrë një cipë të kuqerremtë. Në fund e servirim duke e spërkatur me pak vaj ulliri.
Tavë me brokoli dhe lulelakër
Komente
