Përbërësit:
1 kg gjizë
5 të verdha veze
2 lugë gjelle miell misri
2 lugë gjelle miell gruri
Nenexhik
6-7 qepë të njoma
100 gr gjalp
Piper i kuq
Kripë dhe piper i zi
Përgatitja:
Rrahim të verdhat e vezëve , shtojmë pak vaj ulliri , shtojmë qepët e njoma të prera në unaza dhe nenexhik të grirë hollë. Shtojmë miellin e misrit , miellin e grurit dhe i përziejmë së bashku, e më pas shtojmë gradualisht gjizën. Pasi e trazojmë mirë dhe na formohet një masë homogjene, e vendosim në një tavë (mundësisht dheu), të lyer me pak gjalp.
E nivelojmë gjizën , dhe me ndihmën e kurrizit të lugës bëjmë disa gropëza. Shtojmë gjalpin duke shtuar pak piper të kuq . gjalpin e shpërndajmë mbi gjizanik. E vendosim tavën në furrë në temperaturën 180ºC për 20-30 minuta.
Receta e dytë : Fileto pule me pesto dhe domate
Përbërësit:
4 feta fileto pule
1 e ½ pesto me borzilok
1 domate
125 gr mozarela
Vaj ulliri
Kripë dhe piper i zi
Përgatitja :
Lajmë dhe thajmë filetot e pulës. Domaten e presim në kubikë të vegjël(pa fara). Mozarelën e presim në feta të holla . Vendosim në zjarr tiganin, shtojmë në të pak vaj ulliri dhe sapo të ngrohet vendosim filetot e pulës. I lëmë ato të piqen 5 minuta nga njëra anë dhe i kthejmë nga ana tjetër. I spërkatim me shumë pak kripë ( pasi vetë pestoja që do të përdorim ka mjaftueshëm kripë).
Mbi çdo fletë vendosim ½ lugë çaji pesto dhe e hapim atë mbi çdo fileto. Mbi pesto vendosim nga 1 fetë mozarela dhe përsëri mbi mozarela vendosim pak pesto . Në fund i mbulojmë me kubikë domateje. i spërkatim me pak piper të zi , vendosim kapakun dhe e lëmë të ziejë për pak minuta deri sa të shkrijë djathi.
Komente
