Receta e parë: Koc me domate dhe ullinj
Përbërësit:
2 peshq koc
300 domate qershi
2-3 thelpinj hudhër
80 gr ullinj të zi ose të gjelbër
1/2 gotë verë e bardhë
1/2 tufë majdanoz
Vaj ulliri
Përgatitja:
Peshkun e pastruar e marinojmë me kripë dhe vaj ulliri. Domatet i presim në gjysma, hudhrën në copëza, majdanozin e grijmë hollë dhe i bashkojmë në një tas ku shtojmë 2 lugë gjelle vaj ulliri, ullinjtë dhe kripë. Shtrojmë një letër pjekje në një tepsi dhe vendosim domatet e përziera duke i shpërndarë në të gjithë sipërfaqen.
Vendosim dhe peshkun (peshkut mund ti japim një skuqje të lehtë për 3 minuta në tigan dhe e vendosim më pas në tepsi), e shuajmë me verë dhe e vendosim në furrë në temperaturë 200ºC për 18 minuta. E shërbejmë me patate furre ose sallatë.
Koc me domate dhe ullinj
Receta e dytë: Karkaleca me domate dhe djath
Përbërësit:
350 gr karkaleca
1 qepë
Pak spec pikant
2-3 thelpinj hudhër
1/2 gotë uzo
400 gr domate në kuti
1 lk sheqer
4 gjethe borzilok
150 gr djath i bardhë
Majdanoz
Vaj ulliri
Përgatitja:
Vendosim tiganin me pak vaj dhe skuqim karkalecat deri sa të ndryshojnë ngjyrë. I spërkatim me pak kripë dhe për 3-4 minuta i largojmë nga tigani. Në po atë yndyrë mund të shtojmë dhe 1 lugë gjellë vaj. Kaurdisim fillimisht hudhër, pak spec pikant dhe qepën deri sa të zbutet. Shuajmë qepën me uzo dhe lëmë alkoolin të avullojë. Shtojmë domaten, 1 lugë kafe sheqer, kripë, pak borzilok dhe e lëmë domaten të ziejë duke shtuar edhe pak ujë.
Shtojmë karkalecat dhe në minutën e fundit thërrmojmë djath të bardhë dhe e vendosim tiganin në furrë për 10 minuta. Para se ta servirim e spërkatim me majdanoz të freskët.
Karkaleca me domate dhe djath
Receta e tretë : Kadaif me krem
Përbërësit:
200 gr kadaif
1 fç arra
100 gr gjalp
5 lgj sheqer
Për kremin:
1 l qumësht
1 fç sheqer
3 lgj miell
3 lgj niseshte
Vanilje
200 ml pana ëmbëlsire
Në një tigan shkrijmë gjalpin dhe skuqim kadaifin për 5 minuta. Shtojmë sheqerin dhe vazhdojmë përzierjen deri sa të zverdhet lehtë. Shtojmë arrat dhe i trazojmë dhe pak deri sat ë nxjerrë yndyrën e saj.
Në një tenxhere vendosim qumështin , miellin, niseshtenë e sheqerin dhe i përziejmë mirë. I trazojmë vazhdimisht deri sa masa të trashet dhe të valojë. Më pas e largojmë nga zjarri dhe e ftohim.
Rrahim 200 ml pana ëmbëlsire dhe pasi pudingu të jetë ftohur i trazojmë së bashku me një rrahëse elektrike.
Në një tepsi shtrojmë si bazë gjysmën e kadaifit. Shtojmë në mes kremin e pudingut dhe përsëri e mbulojmë me kadaif. E vendosim në frigorifer për 3-4 orë.
Kadaif me krem
Komente
