Përbërësit:
1 kokërr qepë
500 gr kunguj të njomë
50 gr pure domate
400 gr domate
80 gr oriz
400 ml lëng perimesh
150gr djath i bardhë
4 lugë gjelle vaj ulliri
Kopër
Kripë dhe piper i zi
Përgatitja:
Në një tenxhere të thellë ngrohim vajin , kaurdisim qepën në kubikë deri sat ë zbutet dhe shtojmë kungujt e prerë në kubikë me brinjë 2 cm. I kaurdisim së bashku për 3 minuta duke shtuar më pas purenë e domateve dhe domatet e qëruara e të prera në kubikë. I lëmë të ziejnë për 5 minuta, shtojmë orizin, lëngun e perimeve të nxehtë, kripë e piper të zi dhe i lëmë të ziejnë për 15 minuta. Në 3 minutat e fundit shtojmë koprën e grirë dhe më pas djathin në kubikë . fikim sobën dhe e lëmë të ziejë në temperaturën e vet për 5 minuta të tjera. E shërbejmë të ngrohtë.
Receta e dytë : Sallatë me perime dhe kuinoa
Përbërësit:
200 gr kuinoa + 400 ml ujë
2 patëllxhanë
3 speca me ngjyrë
5 thelpinj hudhër
150 gr domate qershi
1 qepë e kuqe
1 kokërr limon
50 gr ullinj të zi
2 filxhan kafeje vaj ulliri
Borzilok
Kripë dhe piper i zi
Përgatitja :
Fillimisht vendosim 400 ml ujë për të valuar me pak kripë. Vendosim kuinoan 5 minuta në ujë të ftohtë , e trazojmë mirë dhe e shpëlajmë në një kullesë. Pasi të kullojë , e shtojmë në tenxhere me ujë të valuar, ulim temperaturën në mesatare dhe e lëmë të ziejë për 15-20 minuta.
Lajmë, pastrojmë perimet dhe i presim në kubikë me brinjë 2 cm.
Patëllxhanët i vendosim në një tas me ujë dhe pak limo nose kripë për ti larguar shijen e hidhur. I lëmë për 15-20 minuta , e më pas i kullojmë, i thajmë dhe i përziejmë në një tas me perimet e prera. Në këtë tas me perime shtojmë 1 filxhan kafeje me vaj ulliri. I përziejmë mirë dhe i vendosim në furrë në temperaturën 200ºC për 20-25 minuta deri sat ë zbuten.
I largojmë perimet nga furra , i lëmë të ftohen pak dhe më pas i vendosim në frigorifer të ftohen mirë. Gjatë kësaj kohe , në një tas të thellë dhe të ngushtë vendosim 3-4 lugë gjelle lëng limoni , 1 filxhan kafe vaj ulliri, hudhrat e prera në feta, kripë e piper të zi. Të gjitha këto i kthejmë në krem me një blender dore.
Nxjerrim perimet tashmë të ftohura nga frigoriferi . Shtojmë në to domatet qershi të prera në gjysma , ullinjtë e prerë në unaza dhe salcën e përgatitur. Më pas i përziejmë së bashku me kuinian duke copëtuar dhe borzilokun e freskët. Gati për tu shërbyer.
Ju bëftë mirë!
Komente
