Përbërësit:
1 kg miell
500 ml ujë i ngrohtë
1 lugë gjelle sheqer
40 gr maja e njomë ose 10 gr maja e thatë
200 gr gjalp i ftohtë
50 ml vaj
1 lugë gjelle kripë
1 e verdhë veze
Përgatitja:
Në një tas vendosim fillimisht ujin e ngrohtë. Shtojmë në të 1 lugë gjelle sheqer . Më pas hedhim majanë , e trazojmë mirë që të shkrihet dhe më pas shtojmë gjysmën e miellit. E trazojmë mirë me lugë druri, shtojmë përsëri pak miell dhe vazhdojmë ta trazojmë deri sa masa të fillojë të trashet. Përsëri shtojmë miell, 1 lugë gjelle kripë, gjysmën e vajit dhe e përziejmë duke bërë një brumë jo shumë të fortë. Fillojmë të brumojmë me duar ndërkohë që në tasin e miellit mund të ketë tepruar pak miell (rreth 150 gr). E lyejmë brumin me pak vaj, e mbulojmë me pecetë dhe e lëmë të vijë për rreth 1 orë në temperaturë ambienti. Pasi të kalojë kjo kohë marrim brumin dhe e ndajmë në 5 kulaçe. Edhe gjalpin që kemi në frigorifer, pothuajse të ngrirë e ndajmë në 5 pjesë.
Hapim kulaçin e parë në një rreth me diametër 25-30 cm. Më pas mbi të grijmë gjalp duke e niveluar në gjithë sipërfaqen. Hapim kulaçin e dytë, po kështu me bruinjë 25-30 cm. E vendosim mbi gjalpin që grimë tek kulaçi i parë dhe përsëri grijmë gjalp. Kështu vazhdojmë me kulaçin e tretë, të katërt dhe të pestë. Më pas këto 5 petë të bashkuara në mes me gjalpë, i hapim në një të vetme me diametër rreth 60 cm.
Tepsia ku do të vendosim pogaçet duhet të jetë rreth 30 cm. e lyejmë atë me gjalp.
Petën e ndajmë fillimisht në 34 copa. Këto 4 copa i ndajmë secilën në 4 copa duke formuar kështu 16 copë. Fillojmë dhe i mbështjellim në formën e një brioshi nga pjesa më e gjerë tek ajo më e ngushtë dhe i vendosim të gjitha në tavë, me kusht që pjesa e mbylljes të jetë poshtë.
Shkrijmë pak një pjesë të gjalpit dhe e përziejmë mir me 1 të verdhë veze. Në fund lyejmë komplet brioshët të bashkuar në një popgace të vetme dhe i spërkatim me susam ose me pak kripë të trashë. Vendosim pogaçen në furrë të piqet në temperaturë 200ºC për 25 minuta.
Receta e dytë: Rizoto me spinaq dhe shegë.
Përbërësit:
320 gr oriz
20 gr gjalp
2 lugë gjelle vaj ulliri
100 ml verë e bardhë
350 gr spinaq
1-2 shegë (kokrra)
100 ml pana
1 litër buljon perimesh
Kripë dhe piper i zi.
Përgatitja:
Në një tenxhere ngrohim vajin me gjysmën e gjalpit dhe shtojmë orizin. E kaurdisim mirë deri sa kokrra e orizit fillon dhe zverdhet. E shuajmë me verë dhe sapo të avullojë alkooli fillojmë të shtojmë pak nga pak lëngun e perimeve apo ujë sipas dëshirës. Pasi orizi e përthith ujin shtojmë përsëri dhe kështu do të vazhdojmë derisa orizi të përthithë përsëri lëngun e shtuar. Mesatarisht për 320 gr oriz duhet një litër lëng perimesh ujë. Në fund kur të kemi mbaruar punë me lëngun , shtojmë gjysmën e gjalpit dhe spinaqin . E trazojmë me kujdes dhe e largojmë nga zjarri. Shtojmë pana, e trazojmë, shtojmë edhe kokrrat e shegëve , i trazojmë me kujdes dhe menjëherë e shërbejmë duke e dekoruar pjatën me shegë.
Komente
