Receta e parë: Pulë me miell misri
Përbërësit:
1 kg mish pule
2 qepë mesatare
4 thelpinj hudhër
100 gr miell misri
2 vezë
1 lç piper i kuq
Kripë dhe piper i zi
4 lgj vaj ulliri
2 karrota, spec pikant (sipas dëshirës )
Majdanoz
Përgatitja:
Lajmë thajmë mishin e pulës. Ngrohim vajin në një tenxhere dhe kaurdisim mishin e pulës derisa të ndryshojë ngjyrë. E Largojmë mishin dhe në po atë yndyrë kaurdisim qepën sa të thahet pak, më pas shtojmë hudhrat të prera imët, vendosim karrotat të prera në kubikë i kaurdisim për 1 minutë dhe më pas shtojmë dhe mishin në tenxhere, pak spec djegës, kripë, piper të zi dhe piper të kuq. Hedhim ujë të nxehtë derisa të mbulohet mishi dhe e lemë të ziejë në temperaturë mesatare për 20-25 minuta.
Në një tigan të ngrohtë në temperaturë të ulët ngrohim pak miellin e misrit, shtojmë në të vezën dhe e përziejmë me dorë duke realizuar një miell misri të thërrmuar në grimca të vogla. Kur temperatura e tiganit të jetë sa e duron dora shtojmë miellin e misrit tek lëngu i mishit që po zjen. E lemë gatimin të ziejë për 10 mnuta derisa lëngu të trashet dhe copëzat e miellit të jenë të dukshme. Shtojmë në fund pak majdanoz të grirë imët dhe e shërbejme sipas dëshirës pudrosur me pak piper të zi.
Pulë me miell misri
Receta e dytë: Fërgesë me patëllxhanë
Përbërësit:
700 gr patëllxhanë
3 qepë të vogla
2 degë selino
400 gr domate
2 lgj salcë domate
4 lgj vaj ulliri
80 gr ullinj
30 gr stika pishe
30 gr kaperi
3 lgj uthull
1 lk sheqer
Përgatitja:
700 gr patëllxhane
3 qepë të vogla
300 gr selino
400 gr domate
2 lgj salcë domate
3 lgj vaj ulliri
80 gr ullinj jeshil
30 gr stika pishe
30 gr kaperi
50 ml uthull të bardhë
1 lk sheqer
Borzilok
Përgatitja:
Fillimisht presim patëllxhanët në kubikë 1-2 cm. I vendosim në një kullesë i spërkasim me pak kripë, i vendosim një tas poshtë që të kullojë lëngu i tyre duke vendosur mbi patëllxhanë dhe një pjatë të rëndë. Ndërkohë qërojmë qepët dhe i presim në feta, selinonë e pastrojmë nga fijet dhe e presim në gjysëmrrathë të hollë. Domatet i vendosim në ujë të vluar, i qërojmë lëkurën dhe më pas pasi ti presim në ¼ largojmë farat dhe lëngun dhe tulin e presim në kubikë.
Në një tigan të thellë vendosim vajin e ullirit dhe kaurdisim qepën derisa të zbutet. Më pas shtojmë selinonë dhe e kaurdisim së bashku me qepën për 2-3 minuta. Shtojmë dhe ullinjtë, stikat e pishës, kaperin dhe në fund domatet në kubikë dhe salcën e domates. E rregullojmë shijen me kripë dhe piper, vendosim kapakun dhe e lemë fërgesën të gatuhet në temperaturë të ulët. Ndërkohë në një tigan tjetër skuqim patëllxhanët. Pasi patëllxhanët të jenë skuqur i shtojmë në salcën që kemi përgatitur ku vendosim disa gjethe borziloku dhe pak sheqer. I trazojmë mirë dhe më pas e servirim fërgesën me patëllxhanë të ngrohtë.
Fërgesë me patëllxhanë
Komente
