Receta e parë: Role me petë dhe kadaif
Përbërësit:
1 pako peta, 300gr gjalp
300gr arra
400gr kadaif, 100 gr stafidhe
Sherbeti
800gr sheqer
500 ml ujë
2lgj mjalt
3-4 karafil
3 feta limoni
Përgatitja:
Fillimisht shkrijmë gjalpin dhe në tasin ku kemi vendosur kadaifin shtojmë 4 lugë gjelle gjalp dhe i përziejmë mirë me duar me qëllim që kadaifi të përzihet me gjalpin. Hapim 6-7 petë duke i lyer me furçë në të gjithë sipërfaqen në çdo petë. Përzoejmë arrat e copëtuara, stafidhet me kadaifin dhe i shpërndajmë mesatarisht pa e tepruar mbi gjithë sipërfaqen e petës së 6-të ose të 7-të, por duke lënë në fund 5 cm të pambuluar bosh. Fillojmë e bëjmë petën role dhe pjesën e petës që nuk kemi vendosur kadaif e lyejmë mirë me gjalp me qëllim që të ngjitet peta me rolenë e formuar. E lëmë mënjanë që të përgatisim rolenë tjetër. Ndjekim të njëjtën rrugë dhe për rolenë tjetër.
Lyejmë petët njëra përmbi tjetrn duke i ngjitur ato. Në petën e fundit shpërndajmë kadaif me arra në të gjithë sipërfaqen, vetëm 5 cm e fundit jo. Mbledhim petët role dhe fundin 5 cm e lyejmë mirë me gjalp që të ngjitet roleja. Në fund presim rolenë ( do të ishte mirë që roletë të vendosen në frigorifer për 30 minuta që të ngrijë gjalpi dhe është më e lehtë për prerjen e rolesë).
I presim me trashësi 4 cm dhe i vendosim në tepsinë e lyer me gjalp nga ana e prerjes, pra petët janë në formë rrethore anash rolesë në vendosje.
E vendosim tavën në furrën e parangrohur në temperaturë 170ºc për 30-40 minuta. Ndërkohë vendosim shërbetin për të zier. Sheqer, ujë , limon e trazojmë dhe e lëmë të ziejë për 5-7 minuta nga momenti i zierjes. Në fund pasi e largojmë hedhim mjaltin. E shërbetosim ëmbëlësirën kur ajo të jetë e vakët dhe shërbeti i nxehtë, 10 minuta pasi ta kemi larguar nga zjarri, kur ti ketë rënë vala e nxehtë.
Receta e dytë: Bullgur kokërrmadh me kërpudha
Përbërësit:
1 gotë uji bollgur kokërrmadh
1 lgj vaj ulliri
3 kërpudha
1 qepë e thatë
1/4 spec i kuq
1 spec jeshil
1 tufë kopër
1 lugë margarinë
1 lk kripë
2 gota ujë të zier
Përgatitja:
Në një tigan hedhim vajin e ullirit dhe gjalpin. Pasi të ketë shkrirë gjalpi, shtojmë qepën e grirë, specin e kuq dhe atë jeshil duke i kaurdisur. Më pas shtojmë bullgurin , kripën dhe kërpudhat e ziera. Shtojmë ujin që ka zier dhe i lëmë të ziejnë së bashku për 15 minuta. E shërbejmë pas 20 minutash.
Receta e tretë : Tramezzini me djathë e salmon
Përbërësit:
1 fetë tramezzini (Conad)
100gr filadelfie
100gr salmon I tymosur
1 dorë rukola
Kripë
Përgatitja:
Vendosim 1 fetë bukë tramezini në tavolinën e gatimit. E shtypim me një rolon sikur të hapim petë që buka të hollohet sa të mundet. E lyejmë të gjiyhë sipërfaqen me filadelfia dhe sipër saj vendosim feta të holla salmon të tymosur. Shpërndajmë mbi salmon pak gjethe rukola dhe më pas e mbledhim role, e lëmë të mbështjellë me celefon në frigorifer dhe para se ta shtrojmë darkën, e presim në feta me trashësi 1 cm.
Komente
