Receta e pare: Tavë me plendës
Përbërësit:
1 kg plëndës
2-3 kokrra qepë
4 thelpinj hudhër
Vaj ulliri
1 lç piper i kuq
3 lgj uthull
1 lgj miell
Kripë dhe piper i zi
Përgatitja:
Pasi plëndësi të jetë pastruar mirë e vendosim të ziejë derisa piruni të ngulet lehtë. Më pas plëndësin e lemë të ftohet pak dhe e presim në rripa të hollë.
Në një tigan me 6 lugë vaj ulliri kaurdisim qepën të prerë hollë në shirita. Sapo ajo të fillojë të zverdhet pak e pudrosim me pak miell dhe e trazojmë për rreth 1 minutë. Shtojmë piperin e kuq, kripën, piperin e zi, uthullën, lëngun e plëndësit dhe e lëmë qepën të ziejë derisa përbërësit të lidhen, shtojmë dhe plëndësin aty dhe e kalojmë gatimin nga tigani në një tavë të cilën e vendosim në furrë në temperaturën 180 gradë Celsius për 20-25 minuta derisa lëngu të shterojë por jo të thahet.
Tavë me plendës
Receta e dytë: Pilaf bullguri me shafran
Përbërësit:
1 filxhan Bulgur
1 filxhan lëng me perime
1 filxhan uji
Shafran
2 lugë bajame
1 spec i kuq
1 qepë
1 fetë kungull i verdhë
1 tufë spinaq
2 feta djathë të bardhe
2 lugë gjelle rrush i thatë
1 limon
Kripë dhe piper
Përgatitja:
Në një tenxhere hidhni bullgurin, lëngun e perimeve, shafranin dhe 1 gotë ujë. Lëreni të valojë për rreth 12-15 minuta në fillim në temperaturë të lartë emë pas duke e reduktuar nxehtësinë deri sa uji të shterojë.
Gjatë kohës që bullguri gatuhet, lani dhe thani perimet e freskëta. Prisni qepën në feta të holla , kungullin në kubikë dhe specin e kuq në feta për së gjati.
Pasi kemi larë dhe tharë spinaqin, i heqim bishtat dhe më pas e presim vrazhdë me thikë.
Presim bajamet dhe i hedhim ato në një tigan të nxehtë për rreth 1-2 minuta deri sa ato të piqen dhe të marrin një ngjyrë të artë. Më pas i vendosim në një tas të vogël.
Në enën ku poqëm bajamet, shtojmë pak vaj ulliri dhe kaurdisim kungullin, për reth 1-2 minuta. Më pas shtojmë pak kripë dhe piper si dhe qepën dhe specin e kuq. I kaurdisim për 2-4 minuta dhe në fund shtojmë rrushin e thatë dhe i përziejmë të gjitha për rreth 1-2 minuta.
Pasi të jenë skuqur perimet shtojmë spinaqin dhe e kaurdisim për rreth 2 minuta. Rregullojmë shijen me limon, kripë e piper.
Shërbejmë bullgurin në një pjatë dhe i shtojmë sipër perimet e gatuara, djath të bardhë dhe bajamet e pjekura.
Pilaf bullguri me shafran
Komente
