Receta e parë: Strudel dimri me mollë
Përbërësit:
Brumi:
200 gr miell
1 kokërr vezë
4 lugë gjelle ujë i vakët
1 lugë gjelle vaj
1 lugë gjelle uthull
Pak kripë
Pak sheqer
Mbushja:
1,2 kg mollë
100 gr sheqer
100 gr gjalp
80 gr peksimadhe
100 gr stafidhe
1 lugë çaji kanellë
Përgatitja:
Në një tavë vendosim miellin të situr. Hapim një gropë në mes të miellit dhe vendosim një kokërr vezë, 4 lugë gjelle ujë të vakët, 1 lugë gjelle vaj, 1 lugë gjelle uthull, kripë e sheqer. Punojmë brumin mirë deri sat ë na formohet një brumë i lidhur si për petë byreku. E vendosim brumin në tas, e mbulojmë dhe e lëmë të pushojë për 20- 30 minuta.
Ndërkohë stafidhet (rrushin e thatë) e vendosim të zbutet në rum ose konjak.Qërojmë mollët dhe i presim ato në kubikë të vegjël me brinjë 1 cm. shtojmë në tasin e mollëve sgeqerin, 1 lugë çaji kanellë dhe stafidhet e zbutura në rum.
Shkrijmë gjalpin dhe kaurdisim peksimadhenderi sa ai të marrë një ngjyrë kafe dhe të jetë bërë krokante.Shtojmë peksimadhen edhe tek tasi me mollë dhe i përziejmë të gjithë përbërësit së bashku. Hapim brumin në një petë të vetme. E spërkatim petën me pak gjalp. Shpërndajmë mbi petë mollët e prera në kubikë. Mbledhim anët e petës dhe me ndihmën e një picete e kthejmë petën.e bëjmë atë role , bëjmë edhe disa prerje mbi strudel dhe e vendosim në furrë në temeraturën 180ºC deri sa strudeli të piqet.
Receta e dytë: Pulë me perime
Përbërësit:
600 gr mish pule
1 kokërr qepë
2 karrota
2 degë selino
2 thelpinj hudhër
2 speca
150 ml verë
250 gr domate
1 kungull
1 degë rozmarinë
1 dado pule
2 lugë gjelle majdanoz i grirë
Kripë dhe piper i zi
Përgatitja:
Vendosim vajin në një tigan të thellë. E ngrohim atë dhe fillimisht vendosim copat e pulës dhe i kthejmë ato deri sa të zverdhen mirë nga të dy anët. Shtojmë qepën e prerë imët dhe e kaurdisim së bashku me mishin deri sa qepa të bëhet transparente.
Shtojmë karrotat dhe selinonë, i trazojmë së bashku me mishin dhe qepën. E lëmë deri sa lëngu të avullojë dhe i shuajmë me verë të bardhë. Sapo alkooli të avullojë shtojmë një degë rozmarinë të freskët, specat dhe kungullin e prerë në formë gjysmërrethi me trashësi 3-4 mm.
Në fund shtojmë domatet e prera në copë të mëdha, kripë e piper të zi. Vendosim kapakun dhe e lëmë të ziejë në temperaturë të ulët për 25-30 minuta. Mund të shtojmë pak ujë nëse perimet thahen. Do të mjaftojë vetëm 1 filxhan kafeje ssepse perimet lëshojnë vetë ujë. Vendosim kapakun dhe e lëmë të ziejë për 10 minuta në temperaturë mesatare.
Komente
