17-vjeçarja, e cila akuzon një të moshuar dhe 3 fqinj të tjerë se kanë abuzuar seksualisht me të, është pajisur me një urdhër mbrojtje nga gjykata ku ndalon prindërit e saj të kontaktojnë atë.
Gjatë seancës së sotme në Gjykatën e Sarandës ka vendosur urdhër mbrojtje për të miturën nga prindërit e saj, kopjen e të cilës e kanë dhe prindërit e të dhunuarës.
"Ndalimi i të paditurve për t’u takuar, kontaktuar ose komunikuar drejtpërdrejtë ose tërthorazi me fëmijën e tyre. Fëmija e mitur të strehohet përkohësisht larg familjes. Kohëzgjatja e masave të mbrojtjes është deri në datën e përfundimit të gjykimit më 30 prill 2020, në orën 11.00", thuhet në urdhrin e mbrojtjes.
Sipas burimeve për Report TV, e mitura me të cilën është abuzuar seksualisht është dërguar në një qendër trajtimin psikologjik dhe të specializuar për këto rasteve në Tiranë.
Në një lidhje me Report TV, për emisionin "Repolitix" e ëma e 17-vjeçare ka mohuar se ky abuzim seksual të ishte i vërtetë ,ndërsa shton se vajza po ndikohet nga i dashuri i saj që të bëjë deklarata të tilla. Ndërsa në dosjen hetimore të 17-vjeçares, në dëshminë e saj akuzohen dhe tre personat të tjerë, fqinj se kanë abuzuar seksualisht me të.
Në pranga aktualisht ndodhet vetëm 72-vjeçari, i cili ka pranuar abuzimin por deklaron se vetë e mitura e ka provokuar. Ndërsa ndaj tre burrave nuk është marrë asnjë masë arresti, për shkak se nuk ka asnjë element tjetër që provon implikimin e tyre në marrëdhënie seksuale me 17-vjeçaren, përveç dëshmisë së saj.
Grupi hetimor vijon hetimet për zbardhjen e plotë të kësaj ngjarje të rëndë, ku në qendër të së cilës ndodhet një e mitur e abuzuar seksualisht për vite me radhë.
Komente
Si more legen te paska provokuar nje 14 vjecare dmth para tre vjetësh ? Plaseni brenda pleren
Përgjigju