Korçë-Gjykata e Korçës ka vendosur masën e sigurisë ‘Arrest me burg për 68 vjeçarin. Ai u arrestua pasditen e së mërkurës (16 tetor) në Maliq me akuzën e ngacmimi seksual ndaj një 11-vjeçare.
Gjatë seancës 68 vjeçari nuk ka pranuar asnjë akuzë.
“Unë nuk e kam bërë, nuk e kam ngacmuar”, është shprehur ai gjatë seancës.
Avokati e ka cilësuar arrestim të paligjshëm, ndërkohë që ka kërkuar lirimin e menjëhershëm të 68 vjeçarit.
Kujtojmë se nga dëshmia që vajza e mitur ka dhënë në komisariatin e Malqit në prani të nënës së saj, mësohet se 68 vjeçari, e ka ngacmuar 11 vjeçaren në dyqanin e tij në fshatin Strelcë të bashkisë Maliq.
Nëna e vajzës për mediat një ditë më pas deklaroi se vajza e saj është ngacmuar nga 68 vjeçari me fjalë fyese.
Ndërkohë që akuzat i ka hedhur poshtë, vëllai i autorit i cili ka thënë për mediat se akuzat e familjarëve të 11 vjeçares janë të pabaza ndërsa historia e kësaj ngjarje shkon edhe më tej nga deklarata e banorëve kur thonë se çdo gjë është e stisur pasi familja e vajzës ka borxhe në dyqanin e 68 vjeçarit.
