Gjykata e Apelit ka liruar nga akuzat, 4 punonjësit e postës së policisë në Velipojë, të cilët u arrestuan një muaj më parë, me akuzën se favorizuan kultivimin e kanabisit. Gjykata e Rrethit kishte vendosur masën "arrest shtëpie", ndërkohë që sot trupa e Apelit me në krye gjyqtarin Fuat Vjerdha ka vendosur si arrest të paligjshëm për katër efektivët e policisë.
Janë liruar nga akuzat, n/komisar Zamir Sytari, 40 vjeç, me detyrë Shef i Stacionit të Policisë Velipojë; N/Komisar Arben Hoxha, 45 vjeç, me detyrë Specialist për Hetimin e Krimeve në Stacionin e Policisë Velipojë; Inspektor Ergys Lohja, 34 vjeç, me detyrë Ndihmës Specialist i Policimit në Komunitet, në Stacionin e Policisë Velipojë; Inspektor Hysni Beqiri, 53 vjeç, me detyrë Ndihmës Specialist i Policimit në Komunitet, në Stacionin e Policisë Velipojë.
Akuzat e ngritura ndaj tyre u zbehen në sallën e gjyqit, kur vetë efektivët kanë treguar se kanë qenë vetë këta të fundit që kanë zbuluar parcelën me kanabis, duke kryer më pas asgjësimin e 560 bimëve. Ky nuk është rasti i parë që të tilla operacione që finalizohen me bujë, shfryhen më pas në gjykatë për shkak të provave që rrëzohen dhe dëshmive që japin vetë të akuzuarit.
Komente
Si mund t’i dalësh në mbrojtje të arrestuarve pa u bërë hetime nuk e kuptoj?! Le të jenë njerëz të mirë sa të duan e t’i ofrojnë kafe të gjithëve, po dole jashtë ligjit edhe për 1 qindarke duhet të paguash. Cfare është ky popull që dëshiron arrestime e dënime duke dalluar mes ky është djalë i mirë e ky është djalë i keq?
PërgjigjuDuhet te procedohen penalisht ata qe bene arrestimin e ketyre policeve pasi e kane bere te paligjshem! Te mesohen qe te mos marrin ne qafe njerezit kot me kot!
PërgjigjuTe pakten e postuat lajmin qe jane te pafajshem