Një shqiptar i cili ishte në kërkim prej 4 vitesh u arrestua nga Forcat e Ndërhyrjes së Shpejtë të Greqisë. 49-vjeçari ishte arratisur nga burgu i Tiryns më 18 maj të 2016 ku vuante dënimin prej 8 vitesh për vjedhje.
Ai u arrestua këtë paradite (6 shtator) në autostradën Janinë-Athinë teksa udhëtonte me makinë sëbashku me 2 shqiptarë të tjerë.
Autoritetet gjithashtu arrestuan dhe shoferin 33-vjeçar i cili po transportonte shqiptarin e kërkuar nga drejtësia dhe një 31-vjeçar tjetër i cili kishte kaluar ilegalisht në Greqi.
49-vjeçari i arratisur u dërgua në burgun Stavraki për të vuajtur dënimin e tij.
Në të njëjtën kohë 2 shqiptarët e tjerë do të procedohen penalisht për hryje të paligjshme në kufi dhe transportim të emigrantëve respektivisht.
Komento
