Milasin Ramaj u arrestua mbrëmjen e djeshme në qendër të Fierit pas një denoncimi të mbërritur në polici nga një emision investigativ. Policia ka zbardhur detaje nga arrestimi duke bërë me dije se 38-vjeçari Milasim Ramaj kishte ngritur një bazë kriminale në lagjen ‘Kastriot’ ku mbante arsenal armësh.
Ramaj u ndalua nga policia teksa po lëvizte me automjetin e tij. Nga kontrollet u gjet se në makinë ishte fshehur 1 armë zjarri pistoletë pa lejen përkatëse si dhe një shumë parash rreth 3 mijë e 500 euro.
Në vijim të kontrolleve, policia arriti të zbulonte dhe banesën e pabanuar ku Milasin Ramaj magazinonte armët e zjarrit, të cilët dyshohet se ia shiste grupeve kriminale.
Nga kontrolli në këtë ambient, janë gjetur dhe sekuestruar:
-10 armë zjarri automatikë, 3 nga të cilët, të modifikuar me shënjestër optike dhe me vend filetimi për silenciator;
-1 armë zjarri pistoletë;
-1 armë zjarri pistoletë automatike;
-2 silenciatorë;
-9 karikatorë automatiku;
-3 karikator pushke;
-2 krehra pistolete;
-sasi fishekësh të kalibrave të ndryshëm.
Njoftimi i plotë i policisë:
Fier/Zbulohet një bazë kriminale në lagjen “Kastriot”, ku mbahej arsenal armësh, pjesë armësh dhe municioni, me qëllim shitjen te kontigjenti kriminal për kryerjen e krimeve kundër personit.
Sekuestrohen 13 armë zjarri (3 prej tyre të modifikuara për shënjestër optike dhe për silenciator), 2 silenciatorë, dhjetëra karikatorë dhe sasi e konsiderueshme municioni luftarak.
Shërbimet e Komisariatit të Policisë Fier janë informuar nga gazetarë të emisionit investigativ "Piranjat”, se 1 shtetas me të cilin ata kishin komunikuar në kuadër të punës së tyre, posedonte pa leje, 1 armë zjarri.
Menjëherë pas informacionit, strukturat hetimore dhe operacionale të Policisë së Fierit kanë organizuar punën për të zbardhur autorësinë dhe rrethanat e rastit.
Si rezultat i kësaj pune, u lokalizua shtetasi i dyshuar, konkretisht M. R., 38 vjeç, banues në Fier, i cili u ndalua teksa lëvizte me automjet, në lagjen “Kastriot”. Nga kontrolli në automjet, iu gjet dhe iu sekuestrua 1 armë zjarri pistoletë që posedohej pa leje dhe një shumë parash rreth 3 mijë e 500 euro.
Në vijim, shërbimet e Policisë kanë kryer hetime të thelluara mbi veprimtarinë kriminale të 38-vjeçarit, dhe si rezultat kanë mundësuar zbulimin e një banese (aktualisht të pabanuar), në lagjen “Kastriot”, të cilën ky shtetas e përdorte si bazë armësh, pjesësh armësh dhe municioni, dyshohet për t’ua shitur grupeve kriminale.
Nga kontrolli në këtë ambient, janë gjetur dhe sekuestruar:
-10 armë zjarri automatikë, 3 nga të cilët, të modifikuar me shënjestër optike dhe me vend filetimi për silenciator;
-1 armë zjarri pistoletë;
-1 armë zjarri pistoletë automatike;
-2 silenciatorë;
-9 karikatorë automatiku;
-3 karikator pushke;
-2 krehra pistolete;
-sasi fishekësh të kalibrave të ndryshëm.
Në përfundim të veprimeve të para procedurale, specialistët për Hetimin e Krimeve të Komisariatit të Policisë Fier arrestuan në flagrancë shtetasin M. R., dhe ndërkohë vijojnë të kryejnë hetime, në koordinim me Prokurorinë e Fierit, për të identifikuar dhe nxjerrë përpara drejtësisë, shtetas të tjerë që mund të jenë implikuar në këtë veprimtari kriminale.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
Milasin Ramaj
Report Tv ka siguruar foton e 38-vjeçarit Milasin Ramaj i arrestuar mbrëmjen e djeshme në qendër të Fierit.
Milasin Ramaj kishte kthyer në banesë të pabanuar në lagjen ‘ Kastriot’ në magazinë ardhmësh. Policia gjetu dhe sekuestroi 13 armë zjarri si dhe sasi të mëdah municioni luftarak.
Komente
Ky me siguri duket të jetë nga ata që ditën predikojnë të mirën, besimin, ndershmërinë....ah vaj medet kur bëjnë ca e ca!!!
PërgjigjuTaleban
Përgjigju