Ditën e djeshme, thuajse në të gjithë mediat qarkulloi lajmi se këngëtarët Soni Malaj, Don Phenom dhe Sinan Vllasalliu, ishin arrestuar nga policia zviceriane, ku u mbajtën rreth 48 orë në Komisariat.
Kjo gjë shqetësoi fansat e këngëtarëve, por Soni Malaj dhe Don Phenom, kanë vijuar normalisht aktivitetin e tyre në rrjetet sociale duke mos reaguar për këto lajme.
Kështu ditën e djeshme Soni ka publikuar dy foto të ku duket mjaft e qetë, sikur mos të kishte ndodhur asgjë.
Ndërkohë i vetmi që komentoi këto lajme ishte këngëtari Labinot Rexha, i cili po ashtu do të këndonte në koncertin e 13 prillit, tha për mediat kosovare se ai nuk u ndalua nga policia e Zvicrës, pasi ka të drejtë punë në atë vend.
Ndërsa për kolegët shtoi se ata u ndaluan për shkak se vizat turistike nuk duhen përdorur për të punuar dhe si pasojë mund të ndëshkohen me ndalesë, deri në 10 vite për të performuar në Zvicër.
