Fatos Tushe

U arrestua nga SPAK, Fatos Tushe përfundimisht jo më kryebashkiak i Lushnjës! Tërhiqet nga kërkesa në Gjykatën Kushtetuese

21 Dhjetor 2021, 12:18| Përditesimi: 21 Dhjetor 2021, 12:41

  • Share

Fatos Tushe është tërhequr nga kërkesa në Gjykatën Kushtetuese për shfuqizimin e vendimit të Këshillit të Ministrave për shkarkimi e tij nga detyra si kryebashkiak i Lushnjës. Gazetari i Report Tv Arsen Rusta mëson se ai ka paraqitur kërkesë për tërheqje në Gjykatë Kushtetuese e cila më pas ka pushuar çështjen.

Tushe u shkarkua si kryebashkiak i Lushnjes  me vendim të qeverisë pasi u vu nën hetim nga GJKKO për abuzim me tenderin për kanalin ujitës. Fatos Tushe është në burg, edhe pse ka tentuar disa herë të marrë lirinë nga GJKKO, për shkak se sipas tij ka probleme shëndetësore. 

Fatos Tushe u arrestua me 6 korrik, me 10 ish-vartësit e tij, nga një operacion i ndërmarrë nga SPAK, për akuzën e shpërdorimit të detyrës. Bëhej fjalë për një tender me vlerë rreth 23 mln lekë për rehabilitimin e një kanali ujitës në fshatrat Bishqethëm dhe Bitaj. Ky tender është fituar nga kompania EuroAlb shpk, që kishte sjellë ofertën më të lartë, por më pas punimet, fitimet dhe punën e ka bërë një kompani tjetër, e biznesmenit Ibrahim Lami. Ky i fundit, nga sa specifikohet në dosje, ka lidhje të ngushtë shoqërore me Tushen, si edhe lidhje familjare me biznesmenin që ishte shpallur fitues i tenderit, Bujar Muratin Në fund, Lami dhe Murati i ndanin paratë bashkë.

Tushe ka dalë në përgjime edhe teksa abuzon me karburantin e shtetit, duke furnizuar makinat e të njohurve të tij, mes tyre edhe të djalit të një deputeti dhe një gazetari të njohur në Tiranë, si edhe ka ndërhyrë për një banesë që po ndërtohej pa leje, që inspektorët të mos shkonin për kontroll. Ish-kryebashkiaku i Lushnjës u shkarkua nga detyra nga një vendim i Këshillit të Ministrave pas aferave korruptive në të cilat ai ishte përfshirë.

Pas arrestimi të Tushes, erdhi dhe reagimi nga kryeministri Rama, i cili tha se ai nga PS nuk do ketë asnjë mburojë dhe se duhet të përballet vetë me drejtësinë. 

K.T./ReportTv.al
Komento
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?