Tirane - Policët e burgut të Peqinit të cilët ishin arrestuar pas vrasjes së Arben Lleshit të ndodhur në këtë sistem penintenciar të sigurisë së lartë do të hetohen jashtë qelisë së paraburgimit.
Gjykata e Apelit caktoi masat e sigurimit arrest në shtëpi dhe detyrim paraqitje ndaj tyre duke ndryshuar kështu masën e sigurisë 'arrest me burg'
Për ish drejtorin e burgut, Kamber Hoxha u dha masa e sigurisë 'detyrim me paraqitje'
Më 15 dhjetor 2023 i dënuari përjetë ekzekutoi në burgun e sigurisë së lartë të Peqinit Arben Lleshin dhe plagosi shokun e qelisë Indrit Shaqja. Një ditë më pas prokuroria e Elbasanit urdhëroi arrestimin e drejtorit të burgut Kamber Hoxha dhe 11 punonjës pjesë e zinxhirit komandues për akuzën e shpërdorimit të detyrës duke mos ushtruar kontroll ndaj të burgosurit.
Apeli refuzoi ndryshimin e masës së sigurisë ndaj Sokol Mjacajt i akuzuar për “Vrasje në rrethana cilësuese”, “Mbajtja dhe prodhimi i armëve, armëve shpërthyese dhe municionit” dhe “Futja ose mbajtja e sendeve në institucion vuajtje dënimi”.
-Shefi i policisë së burgut Qani Muça, 60 vjeç - Masa e Sigurisë "arrest në shtëpi”
-Ish-shefi i policisë së burgut Nikolin Gjonpali, 54 vjeç - masa e sigurisë 'detyrim me paraqitje'
-Shefi i regjimit në burg Vilson Shima, 37 vjeç -Masa e sigurisë 'detyrim me paraqitje'
-Specialisti i informacionit në sallën operative të burgut Arben Dulellari, 52 vjeç - masa e sigurisë 'detyrim me paraqitje'
-Polic shërbimi Ilir Balla, 46 vjeç, - Masa e Sigurisë "arrest në shtëpi”
-Polic shërbimi Florene Mile, 43 vjeç, - Masa e sigurisë 'detyrim me paraqitje'
-Polic shërbimi Fatos Pire, 50 vjeç - Masa e Sigurisë "arrest në shtëpi”
-Polic burgu Genci Muça, 49 vjeç, Masa e Sigurisë "arrest në shtëpi”
-Polic burgu Klement Haka, 44 vjeç, Masa e Sigurisë "arrest në shtëpi”
-Polic burgu Erjon Çila, 36 vjeç, Masa e Sigurisë "arrest në shtëpi”
-Polic burgu - Indrit Dubali, 41 vjeç Masa e Sigurisë "arrest në shtëpi”
Me një letër të dërguar më 30 nëntor, 15 ditë para vrasjes drejtori i burgut të Peqinit Kamber Hoxha dhe shefi i policisë së burgut të Peqinit Nikolin Gjonpalaj njoftonin drejtorin e Përgjithshëm të Burgjeve Admir Abrija mbi situatën skandaloze brenda burgut të sigurisë së lartë i cili në fakt ishte kthyer në hotel me '5 yje'
Komente
Kjo eshte shqiperia e korruptuar DERI NE PALCE!
Përgjigju