Milorad Dodik dekretoi ligjet jo kushtetuese që ndalojnë punën e organeve të drejtësisë siç janë gjykata, prokuroria e Bosnje-Hercegovinës, agjencia shtetërore për hetime dhe mbrojtje dhe këshillat e lartë gjyqësor dhe prokurorial të Bosnjës.
Dodik kishte paralajmëruar se do t’i dekretonte ligjet dhe tashmë me botimin në fletoren zyrtare ato do të hyjnë në fuqi një ditë më pas.
Qëllimi i Dodik thotë REL është që të anullojë autoritetin e organeve të drejtësisë së Bosnjes në republikën Sërpska, sidomos pas vendimit të gjykatës që e dënoi atë me 1 vit burg dhe 6 vjet heqje të drejte për të ushtruar detyrën e presidentit.
Veprimi i Dodik mund të shfuqizohet ose ndryshohet nga përfaqësuesi i lartë Christian Schmidt me të cilin ai është përplasur fort javët e fundit ose të kontestohet në gjykatën kushtetuese të Bosnjes.
Dodik,i dënuar nga gjykata dhe i shpallur non grata nga SHBA njëjtë si Sali Berisha, ka hyrë në një përplasje të egër me përfaqësuesin e lartë, të cilin e sheh si shkaktarin kryesor të dënimit të tij. Disa ditë më parë Dodik tha se u dënua nga një gjerman që kohë më parë simpatizonte nazizmin.
Komente
Duket qe veprimet e Dodikut kane gjetur admirues mes politikaneve shqiptare.Edhe keta tanet po vdesin te futin duart e tyre te qelbura te org.e pavarura te drejtesise.Disa sepse jane kapur ne rrjete tashme e te tjeret se po degjojne ne distance tingullin metalik te prangave qe mund t'u vihen po nuk i reformuan,po nuk i mbajten doren ku kane shpaten,ose po nuk i shkrine,apo nxjerre jashte ligjit.Vetem se keta tanet nuk jane kaq direkt sa Dodiku,hiqen si me /te sofistikuar/ ne qellime e veprimet e tyre.
Përgjigju