KRUJË- Një shtetas shqiptar i shpallur në kërkim nga drejtësia italiane, ku edhe është dënuar me 6 vite e 3 muaj burg ka rënë në prangat e policisë së Krujës.
I arrestuari është Flamur Korriku, 50 vjeç, banues në Tiranë do të ekstradohet drejt Italisë.
50-vjeçari është dënuar nga drejtësia italiane për veprat penale: Organizatë kriminale, Shfrytëzim prostitucioni, Trafik femrash, Krime kundër fëmijëve dhe Falsifikim dokumentash.
Njoftimi i plotë:
Krujë
Kapet një shtetas në kërkim ndërkombëtar i dënuar me 6 vite e 3 muaj burg nga drejtësia italiane.
Forcat Operacionale të D.V.P. Durrës në bashkëpunim me Efektivet e Komisariatit të Policisë Krujë ndalojnë një shtetas me qëllim ekstradimi drejt Italisë, i dënuar për disa vepra penale.
Është ndaluar shtetasi:
• Flamur Korriku 50 vjeç, banues në Tiranë.
Korriku është kapur në Fushë - Krujë pasi ishte i shpallur në kërkim ndërkombëtar nga drejtësia Italiane, i dënuar me 6 vite e 3 muaj burg për veprat penale "Organizatë kriminale",
" Shfrytëzim prostitucioni", " Trafik femrash", "Krime kundër fëmijëve" dhe "Fallsifikim dokumentash" parashikuar në legjislacionin penal italian.
Materialet i kaluan Prokurorisë së Rrethit Gjyqësor Krujë për veprime të mëtejshme.
Komente
