Me lule, qirinj dhe kujtime është mbuluar trotuari ku u dogj për së gjalli Fabio, 17-vjeçari shqiptar dy ditë më parë në ishullin grek, Kefalonia.
Shokë, të afërm dhe familjarë janë mbledhur mëngjesin e sotëm në vendin ku makina me të cilën po udhëtonte i riu së bashku me moshatarët e tij u dogj.
Ndërkohë ditën e djeshme drejtuesi i makinës, një 18-vjeçar grek, i cili sapo e kishte marrë patentën, doli para gjykatës për t’u përballur me akuzën e vrasjes nga pakujdesia.
Ngjarja tragjike u regjistrua 2 ditë më parë. Gjithçka ndodhi teksa i riu po udhëtonte në një makinë me tre bashkëmoshatarë të tij. Automjeti të cilin po e drejtonte njeri prej tyre doli nga rruga dhe mori flakë, për shkaqe ende të panjohura. Flakët përfshin 17-vjeçarin, i cili fatkeqësisht nuk arriti të dilte në kohë nga makina.
Komente
