TIRANE-Nën masa të rrepta sigurie Dritan Rexhepi doli sot (24 janar) në gjykatë i akuzuar për rrëmbimin dhe zhdukjen e Jan Prengës.
Seanca zgjati vetëm disa minuta për shkak se mungonte avokati i një prej të pandehurve të tjerë.
Avokati i tij kërkoi që senacat e radhës të mbahen jo në ditë të premte, sepse i arrestuari i takon që të qëndrojë deri të hënën në burgun 313, ndërkohë që është i akomoduar ne burgun e Fierit.
Po ashtu gazetarja Keti Banushi informon se seanca e radhës do të zhvillohet më 3 shkurt.
Aldo Majnishta i arrestuar
Gentian Funiqi në mungesë
Korado Gështenja në mungesë
Martin Bleta në mungesë
Artan Doçaj në mungesë
Geraldo Martini në mungesë.
Ekstradimi
Në masa të jashtëzakonshme sigurie, Rexhepi u ekstradua nga Turqia më 8 janar 2025 në vendin tonë për t’u përballur me akuzat për një prej ngjarjeve më të mistershme të viteve të fundit, urdhrin për rrëmbimin dhe zhdukjen e Jan Prengës më 17 janar 2020 në Kamzë, pasi dyshonte se në vitin 2019, vëllai i Jan Prengës, Astrit Prenga, kishte vjedhur në Angli, një kontenier me kokainë në pronësi të tij dhe bashkëpunëtorëve.
I konsideruar si “mbreti i kokainës”, Dritan Rexhepi u arrestua më 10 nëntor 2023 me dokumente false kolumbiane me emrin Benjamin Omar Perez Garcia, në një vilë luksoze, brenda së cilës u gjetën para dhe bizhuteri. Në Turqi mundi të hyjë përmes aeroportit të Stambollit, ndërsa autoritetet italiane e gjurmuan dhe njoftuan kolegët turk që e ruajtën për disa ditë në vilë dhe pasi u bindën ndërhynë për kapjen e tij.
Komente
cfar avokati ore ????? rraseni burg ate kriminel te mos dale me nga dera e qelise. turp botes vetem ne shqiperi ndodhin keto gjera...mungon avokati, mungon prokurori. shtet rrumpalle llumhane
Përgjigju