Dy persona janë identifikuar dhe pritet të shpallen në kërkim ndërkombëtar të dyshuar si të përfshirë në ekzekutimin e 26-vjeçarit Xhulio Prela, efektiv i FNSH, në datën 5 dhjetor në superstradën Lezhë-Laç. Burimet bëjnë me dije se për ngjarjen grupi hetimor ka arritur të zbardh detaje të rëndësishme që kanë çuar deri në emrat e personave.
Për shkak të sekretit hetimor, identiteti i tyre nuk bëhet me dije, përderisa deri tani dyshimet janë se ka pasur konflikt të çastit midis viktimës Xhulio Prela dhe autorëve të ngjarjes.
Efektivi i FNSH-së së Shkodrës, Xhulio Prela, po kthehej nga kryeqendra e veriut, ku në superstradën Leshë-Laç, në orët e para të mëngjesit të datës 5 dhjetor u qëllua për vdekje. Një plumb në gjoks nga autorë akoma të paidentifikuar i mori jetën 26-vjeçarit.
Xhulio Prela fillimisht ka qenë në Rinas për të marrë një shokun e vëllait të tij, i cili vinte nga Anglia së bashku me të motrën. Në mesnatë është kthyer me ta nga aeroporti dhe i ka dërguar deri në Shkodër. Menjëherë më pas ai është kthyer dhe gjatë rrugës Lezhe-Milot tek sa po kalonte ka parë një automjet, ku një person që kishte dalë nga makina po ia bënte me drita me një elektrik dore.
Komente
Perralla me mbret, si more konflik i castit ne mes te nates dalin me arme dhe vrasin nje punonjes policie.
Përgjigju