Pasi u emërua nga Meta mbrëmjen e djeshme si anëtarja i 7 i Gjykatës Kushtetuese, Sonila Bejtja është betuar sot në Presidencë dhe ka marrë zyrtarisht detyrën.
Sonila Bejtja u betua duke u zotuar se: “Betohem se gjatë kryerjes së detyrave të mia do t’i qëndroj kurdoherë besnik Kushtetutës së Republikës të Shqipërisë”.
Në ceremoninë solemne të betimit ishin të pranishëm Zv/kryetarja e Kuvendit, Vasilika Hysi, kryetarja në detyrë e Gjykatës Kushtetuese, Vitore Tusha, Avokati i Popullit, Erinda Ballanca, drejtuesja e misioni OPDAT të Ambasadës së SHBA-së në Tiranë, Michelle Lakomy, shefi i Sektorit Politik dhe i Ngarkuar me punë në Delegacionin e BE në Tiranë, Alexis Hupin si dhe anëtarë të Kabinetit të Presidentit të Republikës.
Sonila Bejtja bëhet kështu anëtarja e shtatë 7 e Gjykatës Kushtetuese! Presidenti Ilir Meta e emëroi mbrëmë Sonila Bejtjen, pasi Këshilli i Emërimeve në Drejtësi ia dërgoi emrin.
Bejtja garonte për vakancën e shpallur nga presidenca në 22 nëntor 2019. Për këtë vakancë në garë ishte edhe kandidati Altin Binaj. Binaj u skualifikua nga KED për shkak se një javë më parë ai u zgjodh gjyqtarë kushtetues nga parlamenti duke u bërë gjyqtari i 5-të për t'u pasuruar më pas nga Përparim Kalo gjyqtari i 6-të.
Komente
Po si qenka kopje e sharebajgave te leshitlikes, militante e Nafije fallxhores, nje prerje me Kejdi Dhembcakallen e babaxhikes,
Përgjigju