Një 27-vjeçar i identifikuar si Ordis Molla është vënë në pranga pasi u shpall në kërkim mbrëmjen e shkuar për shkak se vodhi një shumë parash në një postë private në rrugën ‘5 Maji’ në Tiranë.
Në pamjet e siguruara nga Report Tv tregojnë se i riu shfaqet i veshur me të zeza dhe me skafandër në kokë pranë postës private, përballet me punonjësin i cili duket i frikësuar pasi autori i nxjerr thikën por qëndron i qetë dhe e drejton në çantën nuk ndodhen paratë.
Molla mori xhiron ditore dhe shumat prej 400 mijë lekë, 940 euro dhe 40 paund duke kërcënuar me mjet prerës thikë, punonjësin e postës, dhe më pas u largua me motomjet. Filiali i postës private është grabitur mbrëmë në rrugën '5 maji'.
Shuma e parave të vjedhura nga 27-vjeçari u sekuestrua në cilësinë e provës materiale, së bashku me mjetin prerës thikë që ai ka përdorur për kanosjen, veshjet e tij gjatë vjedhjes dhe motomjetin me të cilin është larguar.
Materialet procedurale për këtë rast i kaluan Prokurorisë Tiranë, për veprime të mëtejshme.
Paratë e vjedhura u sekuestruan së bashku me thikën, veshjet dhe motomjetin me të cilin është larguar autori
Report Tv sjell pamjet e momentit kur 27-vjeçari nga Tirana Ordis Molla, u fut në filialin e një poste private në rrugën '5 Maji' dhe mori xhiron ditore dhe shumat prej 400 mijë lekë, 940 euro dhe 40 paund duke kanosur me mjet prerës thikë, punonjësin e postës, dhe më pas u largua me motomjet. Punonjësi qëndron te dera kur 27-vjecari vjen i veshur me të zeza dhe mban skafandër. Punonjësi i frikësuar qëndron i qetë ndërkohë që Molla i merr shumën e parave.
Komente
