ELBASAN - 14 është numri i personave të arrestuar pasditen e djeshme gjatë një operacioni policor të zhvilluar në një lokal në Elbasan. Aksioni i policisë erdhi pas një telefonate se në biznesin në fjalë ndodheshin persona të armatosur.
Kur policia ka mbërritur, brenda në lokal gjetur 14 persona, mes tyre një 17-vjeçar, të cilët janë arrestuar, por vetëm treve prej tyre iu është gjetur armë.
Mes të arrestuarve është edhe Bujar Muça, ish-deputet i Partisë për Drejtësi, Integrim dhe Unitet dhe biznesmeni i kompanisë hidrosanitare Delta. Deri në vitin 2015, Bujar Muça ishte administrator në kompaninë Delta, më pasi ai shiti aksionet e veta.
Po ashtu, Report Tv mëson policia ka kontrolluar edhe banesat e këtyre 14 personave, por nuk janë gjetur sende të tjera.
Gjatë aksionit janë sekuestruar 3 armë zjarri pistoleta dhe municion luftarak, elektroshot (dorezë neuroparalizuese), 4 radio si të Policisë, jelek me mbishkrimin “Policia”, send në formë pistolete, sinjalizues (send metalik në formë pistolete), thikë, shkop metalik, shuma parash, 4 automjete, 13 celularë dhe DVR.
Ky është bar restorant "Zykollari" në Elbasan ku policia arrestoi në flagrancë 14 persona, një pjesë e të cilëve disa me armë pa leje. Biznesi është në pronësi të Tauland Zykollarit, po ashtu i arrestuar në operacionin e policisë.
Komente
Qr per maks liken kundershtim vetem . 100% armen ja ka dhen ndonje tjetri per ta mbajt momentin e arrestimit
PërgjigjuPO ÇFAR KUNDËRSHTIM POLICIE PËR MAKS LIKËN... AI ESHT KOKA GRUPIT TË STRUKTURUAR KRIMINAL PJESËTAR ME SHULLIZIN.... KTA E NXJERIN PËR TRE DITË NGA BURGU....
Përgjigjubravo policia
Përgjigju