TIRANË-Gjykata e Tiranës ka lënë në burg 47-vjecarin Arben Xhetani, i cili sipas hetimeve rezulton se u ka siguruar makinën e përdorur për vrasjen e ish- policit, Arben Bilali. 47-vjeçari u arrestuar një ditë më parë.
Ish- polici u vra pas një atentati në zonën e Selitës, 20 metër larg nga shtëpia e tij. Bilali mori 7 plumba nga të cilët 3 në trup, ndërkohë më parë 2 vëllezër të Bilalit ishin vrarë pas një atentati, Bujar Bilali në vitin 1997 dhe Leonard Bilali, ish- mundës i Dinamos, në gusht të vitit 2010. Ky ishte atentati i dytë për Arben Bilalin, pas atij të majit të vitit 2010.
Atentati i parë ndaj Bilalit është regjistruar në gusht të vitit 2010, po në zonën e Selitës, ku i mbeti i plagosur. Familja Bilali ka qenë në konflikt me atë Xhabafti dhe vrasja e sotme dyshohet për hakmarrje.
Komente
