Dosja penale në ngarkim të ish-ministrit të brendshëm, Saimir Tahiri, do të vazhdojë procesin gjyqësorë me kryesues të seancës Ilir Pandën relator e Sokol Sadushin dhe Ervin Pupe.
Kjo dosje është hedhur gabimisht në short së bashku me 42 çështje të tjera, pasi në bazë të ndryshimeve të reja ligjore, e njëjta trupë gjykuese që ka vendosur në dhomë këshillimi kalimin e dosjes për gjykim në Gjykatën e Lartë, duhet të vazhdojë edhe procesin gjyqësorë.
Shorti i hedhur gabimisht kishte përcaktuar Sandër Simonin si kryesues të seancës. Pas ndryshimeve ligjore që u futën në fuqi më 1 Qershor, shorti i dosjes së ish-ministrit të Brendshëm Saimir Tahiri dhe ish-drejtorit të Policisë së Vlorës, Jaeld Çlela është anuluar për të gjitha dosjet që ishin në gjykim.
Ndërkohë në Gjykatën e Lartë ende nuk ka asnjë datë se kur do të nisë procesi gjyqësor për Tahirin dhe Jaled Çelën. Tahiri u dënua nga Krimet e Rënda për shpërdorim detyre me 3 vite shërbim prove, ndërsa Apeli i posaçëm e prishi vendimin dhe e ktheu për rigjykim në shkallën e parë. Më pas ish ministri bëri rekurs dhe dhoma e këshillimit e Gjykatës së Lartë e ka pranuar për ta gjykuar. Nuk dihet ende se çfarë vendimi do të marrë Gjykata e Lartë, që mund të lërë në fuqi vendimin e Apelit, mund ta rikthej çështjen sërish për rigjykim në Apel, ose mund ta gjykojë vetë.
Tahiri u akuzua për tre vepra të rënda penale “Korrupsion të zyrtarëve të lartë”, “Trafik të lëndëve narkotike kryer në bashkëpunim” dhe “Grup të strukturuar kriminal”, në kuadër të dosjes ‘Habilaj’. Akuza e argumentuar nga prokuroria ishte për përfshirjen e ish-ministit në 4 episode trafikimi droge nga 2013-2015, por pa dhënë detaje për rolin konkret të tij.
Në vendimin e arsyetuar të Gjykatës, në analizë të të gjitha provave të paraqitura nga Prokuroria, nuk rezultonte asnjë fakt, që ta përfshijë ish-ministrin në trafikun e drogës dhe bashkëpunimin me grupin kriminal të Habilajve, kryetari i të cilëve është Mojsi Habilaj, i arrestuar dhe në gjykim në Itali. Po ashtu, thotë gjykata në arsyetimin e saj, pas përgjimeve edhe të prokurorisë italiane ku Habiljat diskutojnë për dhurata që do ja japin ministrit, çmohet fakti se nuk ka prova të mjaftueshme për t'i lidhur këto dhurata apo shuma monetare se do të shkonin tek Tahiri. Në bazë të këtyre fakteve gjykata vendosi dënimin me 3 vite shërbim prove.
Ilir Panda, Sokol Sadushi dhe Ervin Pupe
Komente
Dihet boterisht se e gjithe kjo po luhet qe saje trafikanti te dale pa lagur pasi po blen te gjithe gjyqtarer dhe njerezit e drejtesise. Ambasada
PërgjigjuPo Audi A8 nuk eshte prove qe e lidh Tahirin me banden Habilaj? Po kthimi nga greqia me te njejten makine mbasi ju prish skafi nuk eshte prove qe e lidh Tahirin me Habilajt? Po polici i portit te vlores qe mori skafin e prishur bashke me Moisi Habilaj nuk eshte prove qe e lidh ish ministrin me kete bande? Po udhetimet e Babait dhe gruas se ish ministrit nuk jane prova qe e lidhin me banden. Po te gjithe drejtiesit e policise se Vlores ne kerkim dhe ne burg rastesisht ishin aty? Po Truprojat te perfshire direkt ne kultivim kanabisi te akuzuar nga nderkombetaret nuk e lidhin ish ministrin? Celsat ne det maskarait dhe sekuestro pasurise bashke me aksionet qe ka tek Harlis Ndertim te trafikantit Armand Lilo.
PërgjigjuBeji te fala Hajdarmates… se dhe pak dite do rrini bashke gj diten. Hajt tung!