Kronikë

U kallëzua nga KLSH për dëmin 33 mln lekë me prokurimet publike, ish-kreu i Bashkisë së Kavajës në SPAK! Roshi pas daljes: Për disa veprime, s'mu komunikua akuzë! (VIDEO)

Ish-kreu i Bashkisë së Kavajës, Elvis Roshi është paraqitur sërish në SPAK. Në dalje nga godina e prokurorisë, ish-kryebashkiaku socialist dha vetëm një prononcim të shkurtër për mediat. “Isha për disa veprime. Nuk m’u komunikua akuzë”, tha ai

24 Shkurt, 13:27| Përditesimi: 24 Shkurt, 13:50

  • Share

TIRANË- Ish-kreu i Bashkisë së Kavajës, Elvis Roshi është paraqitur sërish në SPAK.

Thirrja e Roshit në SPAK ka lidhje me një kallëzim të Këshillit të Lartë të Shtetit, gjatë auditit të vitit 2013-2014, në kohën kur kreu i bashkisë së Kavajës ishte Roshi.

Në dalje nga godina e prokurorisë, ish-kryebashkiaku socialist dha vetëm një prononcim të shkurtër për mediat.

“Isha për disa veprime. Nuk m’u komunikua akuzë”, tha ai, pa bërë asnjë koment më shumë.

Në këtë auditim, u gjetën disa parregullsi në fushën e Urbanistikës dhe prokurimeve të fondeve publike me dëm ekonomik në vlerën 33 milion lekë. Më herët Gjykata e Durrësit kishte pushuar procedimin penal ndaj ish-kryebashkiakut socialist. 

Megjithatë Gjykata e Posaçme ka marrë vendimin që dosja e ish-kryebashkiakut të Kavajës, Elvis Roshi, i akuzuar për shpërdorim detyre, t’i kalojë Prokurorisë së Posaçme.

SI.E./A.Q/ReportTv.al
Komento

Komente

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?