Kokaina e gjetur në Rrugën e Kavajës mbrëmjen e 21 marsit në Tiranë, ku u kapën 3 persona, njëri prej të cilëve tentoi të shtyp agjentët e antidrogës me makinë, zbuloi një call center në rrugën “Idriz Guri” në Astir, në të cilin ushtrohej aktiviteti i paligjshëm i mashtrimit me bursën FOREX.
Ambienti është në pronësi të njërit prej personave të arrestuar, Shkëlqim Ostreni, dhe një tjetri, M.H i shpallur në kërkim nga AMP. Gjatë kontrollit në këtë ambient, u sekuestruan në cilësinë e provës materiale, dokumenta, pajisje të ndryshme dhe njësi kompjuterike, në të cilat ishin të instaluara programe, aplikacione dhe lista emrash me numra italianë, të cilët kontaktoheshin nga operatorët, duke i mashtruar për investime në bursë, nëpërmjet të cilave arrinin të përfitonin vlera monetare të konsiderueshme, që variojnë nga 500 deri në 30 mijë euro për person.
Për të dy pronarët u caktua “arrest në burg” nga Gjykata e Tiranës, në akuzë për mashtrim kompjuterik, ndërsa Ostreni është në akuzë më herët për prodhim dhe shitje të narkotikëve. Identifikimi i këtij Call Center u bë pas këqyrjes së detajuar të komunikimeve telefonike mes 3 të arrestuarve dhe personave të tjerë, deklarimeve të disa personave që tregojnë rrethana të hetimit, si dhe këqyrjes së pamjeve filmike.
' Gjatë kontrollit të ushtruar në Call Center, janë sekuestruar në cilësinë e provës materiale, dokumenta, pajisje të ndryshme dhe disa njësi kompjuterike, në të cilat ishin të instaluara programe/aplikacione dhe lista emrash me numra italianë, të cilët kontaktoheshin nga disa operatorë, duke i mashtruar për investime në bursë, nëpërmjet të cilave arrinin të përfitonin vlera monetare të konsiderueshme, që variojnë nga 500 deri në 30.000 euro. Mbi bazën e materialeve hetimore të administruara deri në këtë fazë i është relatuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, caktimi i masës së sigurimit personal me karakter shtrëngues, në mungesë, për shtetasit M. H., 33 vjeç, i dyshuar për veprën penale “Mashtrim kompjuterik” i kryer në bashkëpunim, si dhe regjistrimin e të njëjtës vepër për personin nën hetim Shkëlqim Ostreni, i arrestuar më parë si i dyshuar për veprën penale “Prodhim dhe shitje narkotikësh”.'- njofton AMP.
Më herët nga komunikimet e treshes Eneo Sulejmanaj, Shkëlqim Ostreni dhe Igli Begaj u arrestua oficeri i Operacionales, Ervis Shkurta, i cili dyshohet pjesë e grupit kriminal. “Visi i Pazarit” ka qenë afër vendit të ngjarjes kur Sulejmanaj tentoi të shtyp me makinë agjentët e Antidrogës dhe sapo ka parë që kolegët e tij ndërhynë, ka njoftuar grupin tjetër që prisnin për të marrë kokainën.
Komente
habitem sesi genjehen italianet. nga keta dallkauke..
PërgjigjuTirana esht plot me call center te tilla.Perdorin apartamentet gjoja per banim mu ne bllok por jan qendra me kompjutera ne dhoma te fshehura.Po te doj policia i zbulon gjitha por jan te korruptuar dhe i mbrojne
PërgjigjuRri ti shkruj ne portale boj si i mencem