Gjykata e Apelit të Tiranës lë në fuqi vendimin e shkallës së parë për izolimin 3- mujor të Astmer Bilalit. Shkodrani u kap me dy celularë në ambientet e burgut 313, dhe Drejtori i Përgjithshëm i Burgjeve, Agim Ismaili urdhëroi izolimin e tij nën një regjim të posaçëm në burgun e Fierit, që është ekzekutuar me vendim Gjykate e Tiranës.
Ish- boksieri i Vllaznisë, Astmer Bilali i cili u arrestua gjatë shtatorit 2018 në Shkodër si pjesë e grupit kriminal '' Bajri'' ankimoi vendimin në Apel, dhe duket se përfundimisht ai do të qëndrojë nën një regjim të posaçëm pasi shkeli rregullat e burgut.
Astmer Bilali u kap dy herë me send të ndaluar, celular në qeli më 20 maj dhe më 13 shtator dhe atij do ti mohohen kontaktet me familjarë, shok e të afërm si dhe do të ketë akses të kufizuar dhe të monitoruar për gjatë 24 orëve me kamera.
Emri i tij u lakua fillimisht për vrasjen e Arjan Ferracakut në shtator 2018, pasi ai ishte pikërisht me biznesmenin i cili mbeti viktimë e atentatit që dyshohet se shënjestër kishte ish- boksierin. Vetëm disa ditë më pas u arrestua nga RENEA dhe FNSH si pjesë e grupit Bajri kurse 7 muaj më parë, më 30 mars 2019 i vranë babain dhe xhaxhain, Astrit dhe Ibrahim Bilalin.
Komente
