Kreu i PD-së, Lulzim Basha bëri publike mesditën e sotme propozimet e tij për anëtarët e kryesisë së PD (Lexo këtu). Për të disatën herë, Basha nuk ka zgjedhur të fusë brenda strukturave më të larta të partisë figurat që kanë bërë historinë e partisë si Ridvan Bode, Majlinda Bregu, Jozefina Topalli apo Astrit Patozi.
Në vend të kësaj, Basha ka hartuar një listë me njerëz problematikë që kanë probleme të mëdha me drejtësinë, ashtu sikurse bëri pak kohë më parë me listën e anëtarëve të këshillit kombëtar. I tillë është rasti i kandidatit të propozuar nga Basha për anëtar kryesie, Arben Ibro, me një të kaluar të errët që nuk e pengoi të zinte postet më të lakmuara gjatë viteve të pushtetit të Berishës dhe më pas Bashës.
Në vitin 2011, ish punonjësi i SHIK-ut në kohën e Gazidedes, Arben Ibro emërohet drejtor i OST-së. Arben Ibro, i njohur si ish-dhjetorist i ’90, do të emërohej vite më pas si oficer në Gardë, ku do të shërbente si truproja e Sali Berishës. Vite më vonë, në 2003 ai do të shërbente si komisar në Rinas, por ish ministri i Rendit, Igli Toska e përjashtoi nga radhët e policisë pas zbulimit se në Rinas ishin riaktivizuar rrugët e vjetra nga ku kalonin klandestinët. Motivacioni zyrtar për përjashtimin e Ibros nga radhët e policisë ishte për favorizim të trafiqeve të paligjshme.
Në vitin 2006, Arben Ibro si drejtor i Doganës së Durrësit, u denoncua nga një punonjëse e tij për ngacmime seksuale. Fakti u bë publik nga emisioni “Fiks Fare” në Top Channel, që bëri të ditur aso kohe se kaseta audio dhe video që është provë e këtij skandali i ishte dorëzuar në një kopje kryeministrit Sali Berisha./lexo.al/
Komente
Arben Ibroja eshte njeriu me shpirtzi qe germonte tek punonjesit per bindje partiake deri tek pastrueset dhe nxirrte me forve njerzit ne mitingjet e Pd-se se bashku me Sali Tocillen qe grabiti kutine e votimit tek shkolla e bashkuar
Përgjigjue mjeta shqipri si ka partin e lumite si pd
PërgjigjuParti baxhellash
Përgjigju