Prokurori i Tiranës Adriatik Cama para Komisionit të Posaçëm të Kualifikimit

Kronikë

U kap nga Vettingu, hidhet shorti për trupën gjykuese ndaj prokurorit të '21 janarit'

4 Tetor 2018, 18:07| Përditesimi: 4 Tetor 2018, 18:22

  • Share

TIRANË- Kolegji i Posaçëm i Apelimit ka hedhur shortin për caktimin e trupit gjykues për rivlerësimin e prokurorit të Tiranës, Adriatik Cama.

Shorti vendosi që ndaj prokurorit të shkarkuar më 11 korrik, trupa gjykuese të kryesohet nga Ardian Hajdari, relatore:  Albana Shtylla dhe anëtarë: Ina Rama, Luan Daci dhe Sokol Çomo.

Sipas KPK-së, Adriatik Cama, ish-prokuror i disa dosjeve me rëndësi, mes tyre ’21 Janari’ nuk justifikonte pasurinë, ishte i korruptuar dhe ishte vënë në presion nga struktura kriminale, pra ishte i papërshtatshëm për të vazhduar detyrën.  

Njoftimi i plotë i KPA-së:

Në Kolegjin e Posaçëm të Apelimit është regjistruar çështja (JR) Nr. 18/2018, datë 02.10.2018 që i përket ankimit të subjektit të rivlerësimit Adriatik Cama kundër vendimit nr. 35 datë 12.07.2018 të Komisionit të Pavarur të Kualifikimit që lidhet me procesin e rivlerësimit kalimtar të subjektit të rivlerësimit Adriatik Cama.

Sot, në datën 04.10.2018, në Kolegjin e Posaçëm të Apelimit, u hodh shorti për caktimin e trupit gjykues, kryesuesin e këtij trupi dhe relatorin e çështjes.

Trupi gjykues i caktuar me short është i përbërë si më poshtë vijon:

Kryesues: Ardian Hajdari

Relatore:  Albana Shtylla 

Anëtarë: Ina Rama, Luan Daci, Sokol Çomo

 

Komento

Komente

  • Sondazhi i ditës:

    Sipas jush, a mund të integrohet Shqipëria në BE brenda 2030-ës?