Tre shqiptarë janë dënuar me burg nga autoritetet britanike pasi u kapën brenda një fermë bari, me kapacitet për të prodhuar sasi të madhe drogë me vlerë deri në 2.8 milionë paund.
Ata janë identifikuar si Ronaldo Pasha, Bledar Zeqo dhe Elvis Shira dhe janë dënuar me tre vjet e nëntë muaj burg nga Gjykata e Bradford Crown këtë të martë (5 mars 2024).
Treshja kanë pranuar pjesëmarrjen e tyre në këtrë aktivitet kriminal. Ata do të depërtohet në Shqipëri menjëherë pas kryerjes së dënimit me burg në burgjet britanike.
Sipas BBC, policia ka gjetur dhe bastisur 18 dhoma, ku ishin të mbjellura 5000 rrënjë kanabisi, në rrugën Savile Park.
Është vlerësuar se bimët mund të kishin prodhuar më shumë se 280 kg kanabis dhe ngarkesa do të kishte një vlerë midis 2.4 dhe 2.8 milion £.
Pasha, 24 vjeç, ishte burgosur më parë në vitin 2022 për prodhim kanabisi, ndërsa të bashkëpandehurit e tij, 33-vjeçari Shira dhe 40-vjeçari Zeqo, nuk kishin asnjë dënim të mëparshëm.
Dy prej shqiptarëve kanë dëshmuar se ishin detyruar të punësoheshin në këtë industri ilegale për shkak të borxheve që kishin marrë për të emigruar ë Britani.
Komente
