Gjykata e Durrësit ka lënë në burg pronarin e autobusit, në të cilin disa ditë më parë u gjetën dhe u sekuestruan 121 mijë euro të padeklaruara , gjatë një kontrolli në Portin e Durrësit.Ndërsa shoferi që drejtonte mjetin është vënë nën hëtim.
Më shumë se 121 mijë euro të padeklaruara, të fshehura në tavanin e autobusit që vinte nga Bari u sekuestruan në Portin e Durrësit, për pasojë u arrestua Leonard Nikolli, pronari i firmës ‘Gremel’, ndërsa shoferi Ergys Sadikaj u vu nën hëtim.
Leonard Nikolli është njohur sot me masën e sigurisë, pasi u arrestua për eurot gjetura në autobusin në pronësi të tij, të cilat dyshohet të jenë përfituar nga veprimtaritë kriminale.
Sakaq, Gjykata e Durrësit ka lënë në burg 44-vjeçarin Nikolli, ndërsa shoferi Ergys Sadikaj është vënë nën hetim në gjendje të lirë.
Vetëm pak ditë më parë, më 7 gusht në Portin e Durrësit u gjetën të fshehura në tavanin e një autobusi 121 680 euro, të padeklaruar të cilat dyhsihet të jenë përfituar nga veprimtaritë kriminale.Operacioni u zhvillua pas informacioneve se Leonard Nikolli, pronar i linjës së udhëtarëve 'Gremel' po transportonte një shumë të majme parash. 44-vjeçari u prangos, ndërsa shoferi i autobusit, Ergys Sadikaj, u vu nën hetim në gjendje të lirë. Shoferi i autobusit deklaroi që në momentin e arrestimit në Polici se nuk ka pasur dijeni për eurot që ishin të fshehura në tavan, të cilat sipas ligjeve në fuqi duhej të ishin deklaruar.
Komente
Policia dhe agjensitë Ligjzbatuese të bllokojnë autobuzët e firmës PITI nga Rrogozhina pasi vetëm transport lekësh bën për llogari të një grupi kriminal qe operon në qarkun e Durrësit
Përgjigju