DURRËS- Një 26-vjeçar është arrestuar në Durrës pasi ka qëlluar me armë zjarri në ajër, pas një konflikti që ka pasur me kushëririn e tij. Në pranga ka rënë Euron Balla, i cili pas një sherri për motive të dobëta me kushëririn M. B., 63 vjeç ka qëlluar me armë zjarri për ta kanosur.
Ndërkohë, policia ka sekuestruar armën e zjarrit kallashnikov, si edhe 2 krehra dhe 54 fishekë luftarak që iu gjetën në banesë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Prishja e qetësisë publike”.
Kallashnikovi i sekuestruar
Komento
