Rachel Reeves Ministrja e Financave të Britanisë së Madhe ishte e trishtuar që nga momenti që hyri në sallë për pyetjet e Kryeministrit. Ajo ishte një nga të fundit që mbërriti dhe sytë e saj ishin të ënjtur, si vezë të ziera. Fillimisht u mendua se kishte alergji , por gjatë seancës u bë e qartë se diçka më serioze po e mundonte.
Pamja e saj ishte shqetësuese, ajo po qante hapur, fytyra e saj ishte e lodhur dhe ajo fshinte vazhdimisht sytë. Ndërkohë, gazetarët dhe deputetët po e vëzhgonin, dhe ajo shfaqte një dhimbje të thellë, duke u përpjekur të mbante veten, raportohet në media.
Pas disa pyetjeve të vështira për financat e vendit dhe për mundësinë e largimit të saj nga posti, lotët e saj filluan të rridhnin. Kemi Badenoch e kritikoi, duke thënë se ajo ishte “një mburojë njerëzore” për dështimet e qeverisë dhe kjo e përkeqësoi situatën për Rachel. Ajo u mundua të duket e fortë, por nuk mundi ta mbajë veten dhe vazhdoi të fshihte lotët.
Pas seancës, ishte motra e saj, Ellie Reeves, ajo që e mbështeti dhe e ndihmoi të largohej nga salla. Rachel u largua nga një “furrë” politike, duke treguar se ishte më shumë se e trishtuar; ajo ishte e shkatërruar nga stresi dhe nga presioni i madh.
Komente
