Kryeministri u ka bërë thirrje këtë të shtunë qytetarëve që të mos ngurrojnë të denoncojnë shkeljet e të drejtave të tyre në platformën Shqipëriaqëduam.al.
Përmes publikimit të historisë së një qytetari nga veriu i Zadrimës, i cili pasi kishte konstatuar mbifaturimin ndaj energjisë së konsumuar elektrike kishte dërguar një letër në platformën bashkëqeverisëse, Rama shprehet se kjo është një tjetër arsye që qytetarët të zgjedhin të mbrojnë të drejtat që u takojnë.
"Mirëmëngjes, dhe me historinë që Anjeza ka zgjedhur për t'ju dhënë një tjetër arsye për të mos ngurruar kur ju shkelet një e drejtë, po për t'u drejtuar pa humbur kohë tek shqipëriaqëduam.al, ju uroj një fundjavë të qetë", shkruan Rama.
Komento
Komente
