Dy persona me origjinë shqiptare, 22 dhe 28 vjeç, janë arrestuar nga policia italiane, të cilët mbanin në një banesë 4 kg kokainë, 1.5 kg marijuanë dhe 20 mijë euro cash.
Ata prej disa ditësh ishin në fokusin e Agjentëve të Skuadrës Fluturuese, një seksion kundër krimit të përhapur, pas një denoncimi për një vajtje-ardhje të çuditshme në një apartament në via Della Pietra.
Mëngjesin e djeshëm (30 Janar), policët vunë re se një djalë i ri po dilte nga banesa e raportuar dhe pasi hipi në autobus, shkoi në Via Emilia Ponente, raportojnë mediat italiane.
Punonjësit e tjerë pranë shtëpisë kanë vërejtur një tjetër të ri shqiptar që ka mbërritur rreth orës 14:00 me orën lokale, i cili ka hyrë në shtëpinë e raportuar, pak pasi është larguar në mënyrë të dyshimtë dhe ka hipur në një makinë.
Hetuesit vendosën të vazhdojnë me kontrollin e të dyshuarit të ri, por ai goditi dy operatorë të Skuadrës Fluturuese me makinën e tij dhe u largua.
Rezultati ishte një ndjekje e cila zgjati disa kilometra drejt San Lazzaro deri në daljen 5 të unazës, ku makina u bllokua. Gjatë ndjekjes drejtuesi i makinës ka hedhur qafe një tufë çelësash dhe lëndë narkotike.
Në të njëjtën kohë, grupi tjetër policor ka qëndruar pranë shtëpisë ku pak më pas ka mbërritur djali i ri i cili ishte vënë re duke dalë nga shtëpia dhe duke marrë autobusin në mëngjes dhe i është bërë kontroll i menjëhershëm dhe kontroll brenda banesës.
