Edi Rama dhe Aleksander Vucic

Kronikë

U nënshkrua nga Rama dhe Vuçiç/ Këshilli i Ministrave miraton marrëveshjen për lëvizjen e lirë Shqipëri-Serbi me karta identiteti

Në mbledhjen e zhvilluar ditën e sotme Këshilli i Ministrave ka vendosur miratimin e marrëveshjes për Lëvizjen e lirë Shqipëri-Serbi me karta identiteti. Kjo marrëveshje u nënshkrua në nëntor mes kryeministrit Edi Rama dhe presidentit serb Aleksandër Vuçiç, gjatë takimit online për Shengenin Ballkanik, në prani edhe të kryeministrit maqedonas Zoran Zaev

16 Dhjetor 2020, 21:48| Përditesimi: 16 Dhjetor 2020, 22:15

  • Share

Në mbledhjen e zhvilluar ditën e sotme Këshilli i Ministrave ka vendosur miratimin e marrëveshjes për lëvizjen e lirë Shqipëri-Serbi me karta identiteti.

Kjo marrëveshje u nënshkrua në nëntor mes kryeministrit Edi Rama dhe presidentit serb Aleksandër Vuçiç, gjatë takimit online për Shengenin Ballkanik, në prani edhe të kryeministrit maqedonas Zoran Zaev.

Kryeministri Rama e ka quajtur këtë marrëveshje një hap të rëndësishëm që shqiptarët të kenë lëvizje të lirë me vendet e Ballkanit, përfshirë Serbinë ku mund të udhëtojmë edhe pa dokumente.

Po kaq të rëndësishme e ka quajtur këtë marrëveshje dhe presidenti serb Vuçiç.

Vendimi i Këshillit të Ministrave:

MIRATIMIN E MARRËVESHJES NDRYSHUESE TË MARRËVESHJES, NDËRMJET KËSHILLIT TË MINISTRAVE TË REPUBLIKËS SË SHQIPËRISË DHE QEVERISË SË REPUBLIKËS SË SERBISË, PËR LËVIZJEN E NDËRSJELLË TË SHTETASVE, RATIFIKUAR ME LIGJIN NR.10474, DATË 27.10.2011

Në mbështetje të nenit 100 të Kushtetutës dhe të nenit 19, të ligjit nr.43/2016, “Për marrëveshjet ndërkombëtare në Republikën e Shqipërisë”, me propozimin e Kryeministrit dhe ministër për Evropën dhe Punët e Jashtme, Këshilli i Ministrave vendosi:

Miratimin e marrëveshjes ndryshuese të marrëveshjes, ndërmjet Këshillit të Ministrave të Republikës së Shqipërisë dhe qeverisë së Republikës së Serbisë, për lëvizjen e ndërsjellë të shtetasve, ratifikuar me ligjin nr.10474, datë 27.10.2011, sipas tekstit që i bashkëlidhet këtij vendimi.

Ky vendim hyn në fuqi pas botimit në “Fletoren zyrtare”.

1608152013_6666666.jpg

Vendimi i Këshillit të Ministrave

Komento

Komente

  • vjosa: 17/12/2020 16:49

    HAP PUNE O RAMA ,,,DHE THIRR INVESTITORE TE FUQISHEM TE INVESTOJNE NE SHQIPERI ME PROJEKTE SI KY I PORTIT TE DURRESIT...

    Përgjigju
  • Marrveshja: 16/12/2020 23:47

    Edhe me Greqine dhe Turqine të bëhet marrveshja me levizje vetëm me kartë edhe me Bullgarinë !

    Përgjigju
  • Mirditor: 16/12/2020 22:15

    Gabim i madh, shqiptaret jan të gjith me pasaporta kurse serbët jo pra nga ana ekonomike fitojn kto të fundit. Mos kini besim te serbia sepse historia e ka tregu se si sillet serbia me politiken e tyre mashtruse propagandiste. Duhen një libër me 1000 flet me fol kundra serbis

    Përgjigju
    • Arbëri: 17/12/2020 10:21

      O Taulant mjerë Shqipëria....

    • Taulant: 17/12/2020 00:09

      Cfare do humbim ne nese vijne serbet me karta identiteti dhe fjala bie bejne plazh 1 jave ne Sarande apo Ksamil?!

  • Sondazhi i ditës:

    Trump tarifa doganore 10 për qind Shqipërisë, sa ndikon në ekonomi?