Një turist çek është rrëzuar rreth orës 19:00 të pasdites së sotme teksa po udhëtonte me motor bashkë me disa turistë të tjerë në zonën malore të Rinasit në Librazhd. R.K. 53 vjeç ka humbur kontrollin e motorit duke rënë në përroin e Cirovës.
Ata kanë kërkuar ndihmë në numrin 112. Në drejtim të tyre është nisur një patrullë policie dhe autoambulanca por për shkak të terrenit të vështirë nuk ka qenë e mundur ndërhyrja e saj. Në sajë të bashkëpunimit me policinë e shtetit është dërguar një helikopter. Ai ka transportuar turistin i cili kishte pësuar fraktura në trup në drejtim të spitalit Ushtarak.
Ndërkohë që lidhur me këtë ngjarje ka reaguar edhe ambasada çeke në Tiranë e cila ka falënderuar Policinë e Shtetit dhe Ministrinë e Shëndetësisë për reagimin në kohë, duke i shpëtuar jetën turistit çek.
Komente
Bravo!
Përgjigju