Ish-kancelari austriak Sebastian Kurz është shpallur fajtor për dëshmi të rreme në një gjyq të ngarkuar politikisht që ka mbërthyer institucionet e Austrisë për gjashtë muajt e fundit.
Gjykatësi Michael Radasztics caktoi një dënim prej 8 muajsh me kusht për 37 vjeçarin që njihet edhe si “djallëzori” i politikës konservatore evropiane .
Sipas ligjit austriak, vendimi nuk do të ketë efekt ligjor derisa rrugët e apelimit të Kurzit të jenë ezauruar.
Çështja kundër Kurz, e hapur nga prokurorët austriakë më shumë se dy vjet më parë, u përqëndrua në deklaratat që ai kishte bërë në vitin 2020 në një komitet hetimor parlamentar që heton korrupsionin në qeverinë e tij.
Kurz, asokohe ende kancelar, u akuzua se kishte gënjyer komitetin nën betim, pasi ai i tha se nuk kishte luajtur një rol vendimtar në emërimin e një aleati për të drejtuar kompaninë shtetërore të Austrisë, ÖBAG.
Mesazhet e zbardhura nga telefonat e zyrtarëve qeveritarë treguan më pas një rast totalisht ndryshe duke bërë që ndaj tij të nisnin hetimet për deklarime të rreme në komitetin hetimor parlamentar.
