Një lajm i mirë vjen për të gjithë të apasionuarit pas shpejtësisë dhe filmave aksion. Seria e filmave të “Fast and Furious” kanë publikuar datën zyrtare të publikimit të edicionit të 9-të.
Filmi do të transmetohet më 26 maj fillimisht në kinematë në Francë dhe 2 ditë më pas në të gjithë SHBA-në.
Ky episod do të sjellë zhvillime dhe personazhe të rinj ku do të dalë për herë të parë dhe vëllai i Dominic Toretto-s (Vin Diesel).
Pas ngjarjeve të ndodhura në në filmin e mëparshëm, familja e Dominic Toretto-s do të përballet vëllain e tij të vogël, Jakob (John Cena).
Ky i fundit është një vrasës serial, i cili po punon me armikun e tyre të vjetër Cipher, dhe i cili mban një hakmarrje personale kundër Dominic.
Publikimi i “Fast and Furious 9” është shtyrë dy herë. Fillimisht ajo ishte parashikuar në prill të 2019 por kjo u shty për shkak të publikimit të filmit “Hobbs and Shaw” ndërsa u shty për herën e dytë në mars të vitit 2020 për shkak të përhapjes së koronavirusit.
E.M./ReportTv.al
