Mbajtësi i bagazheve në linjën ‘American Airlines’ vdiq të shtunën pasi thuhet se u thith nga motori i një avioni në një aeroport të Alabamas, shkruajnë mediat e huaja.
Tragjedia e tmerrshme ndodhi në aeroportin rajonal të Montgomery rreth orës 15:00. Viktima, e cila nuk u identifikua menjëherë, punonte për Piedmont Airlines, një degë e American Airlines. Administrata Federale e Aviacionit dhe Bordi Kombëtar i Sigurisë së Transportit po hetojnë rastin.
"Ne jemi të shkatërruar nga aksidenti që përfshin një anëtar të ekipit të Piedmont Airlines, një transportues rajonal i American Airlines, në Aeroportin Rajonal Montgomery (MGM)", tha një zëdhënës i American Airlines. “Mendimet dhe lutjet tona janë me familjen dhe anëtarët e ekipit tonë lokal. Ne jemi të përqendruar që të gjithë të përfshirët të kenë mbështetjen që u nevojitet gjatë kësaj kohe të vështirë.”
Sipas Reuters, dy burime të informuara për incidentin thanë se punonjësi vdiq pasi ndodhi një incident që përfshinte një nga motorët e aeroplanit që po punonte.
