Ulja nga detyra apo përgjegjësit e Taulant Ballës në Partinë Socialiste ishte një lëvizje e papritur e kryeministrit Rama, pasi vetëm pak ditë më parë ai e rikonfirmoi në detyrë dhe e lavdëroi për punën e bërë. Edhe pse deputeti më i votuar në Elbasan, sot Balla nga numri 2 i partisë që ishte, është ulur në gradat e tij duke mbajtur vetëm postin e kreut të Grupit Parlamentar të PS.
Me një buzëqeshje te sforcuar para kamerave, Balla tha se nuk e sheh këtë lëvizje si ulje të përgjegjësive të tij, pasi posti i Kryetarit të grupit parlamentar të PS është mjaft i rëndësishëm në një kohë kur në Kuvend priten të diskutohen çështje të nxehta politike.
"Unë nuk e mendoj që të jesh kryetar i grupit parlamentar është të jesh më pak i parëndësishëm. Për mua është një post i rëndësishëm në një kohë kur në Kuvend priten çështje të nxehta politike. Kryetar i shumicës është përgjegjësi e madhe e dytë pas kryeministrit në lidhje me adresimin e besimit të qytetarëve", tha Balla.
Një tjetër lëvizje e papritur ishte kalimi i Ballës nga kryetar i qarkut të Elbasanit në atë të Fierit. Ai tha se ka përgjegjësi si deputet në Elbasan, por do të mbajë edhe përgjegjësitë e tij si drejtues qarku i Fierit.
"Mos ngatërroni detyrat e deputetit dhe të drejtimit të qarkut, pasi një politikan i mençur i bën të dyja. Të mos harrojmë që në qarkun e Elbasanit PS arriti rezultatin më të mirë. Mërzitem me Ramën nëse nuk jep investimet e nevojshme për Elbasanin", tha Balla.
Teksa falenderoi votuesit, Balla tha se PS ka ngritur një makineri elektorale shumë efikase , ndërsa u shprehu sukseset për detyrat qeverisë së re.
"Ne gjithmonë kemi rifreskuar dhe lidhur me qeverinë. Nuk kam asnjë koment përveçse mbështetjes maksimale, të gjithë ministra meritojnë respektin dhe mbështetjen e vazhdueshme. PS do të fitojë zgjedhjet e 2023 vendore dhe ato të përgjithshëm 2025", tha Balla.
Teksa pritet të jetë Sekretari i ri i Përgjithshëm i Partisë Socialiste, Damian Gjiknuri e konsideron si një sfidë shumë të vështirë punën si numri 2 i partisë. Teksa vlerëson kontributin e paraardhësit të tij Balla, Gjiknuri thotë se do të vazhdojë punën e bërë deri më tani.
"Taulanti është një koleg i vjetër. Natyrshëm është një sfidë e vështirë. Unë kam eksperiencën time elektorale dhe partiake dhe do të bëj më të mirën e mundshme për ta çuar përpara punën që është bërë me PS-në. Është një sfidë e mirëpritur. Natyrshëm unë kam lidhjet e mia me Qarku Vlorë dhe kam arritur rezultatin më të mirë të arritur ndonjëherë në Shqipëri dhe atë eksperiencë do të shfrytëzoj për këtë detyrë", tha Gjiknuri.
Komente
Damjani u shperblye per arritjen e marreveshjes per reformen zgjedhore.
PërgjigjuTju kete lene uraten Balla. Ne elbasan qarkullon parja e madhe e trafikut dhe rama pruri damianin qe te pasurohen te gjithe dhe jo vetem njeri. Mbas damianit do sjelli dike tjeter e keshtu me rradhe te vjelin lopen e trafikut.
Përgjigjupo Sir Alket Hyseni ku ndodhet pse nuk ka asnje funksion ne parti? apo po shijon pushimet ne plazhin e dhermiut nga ka dhe medemek prejardhjen e tij? hidhuni deri te fshati turisitik Olea dhe beni nje vetting aty por dhe te fshati white rocks se kush jane residentet aty. toka ka qene e Alket Hysenit (eshte prone publike distanca 300 m nga vija e bregdetit e matur ne batice) dhe eshte 20 m nga deti i cili eshte me origjne nga fshatrat e tepelenes. e caktoi Rama si pergjegjes i task-forces per pronat ne bregdet. rezultati i punes: shkoi te kapte korrupsionin dhe ne fund te detyres u be pronar i tokes dhe sot ka 4 vila buze detit. keta jane modelet qe promovon Rama. cdo trashje zeri nga KM eshte agjitacion e propogande
PërgjigjuAkoma s'e ka kuptuar Palla se Bracja e kuptoi qe po i largon palloshi per ti hapur rrugen ne krye te PS kreut te G99.Erioni I pemeve dhe Arbiani I biftekeve po prehin dhembet. Eshte percaltuar pasardhesi i Ramazonit. Ju te tjeret prit se s'keni pare gje akoma
Përgjigju