SHKODËR- Arlind Bushati mbeti i vrarë pas atentatit ditën e djeshme në Dobraç të Shkodrës. Por, pak ditë parë ai kishte denoncuar se dy persona me armë e kishin kërcënuar në Pedonalen e Shkodrës teksa kishte qenë duke pirë kafe.
Gazetari i Report Tv, Ergys Kavaja ka siguruar pamjet e momentit, kur dy persona me motor e kërcënojnë me armë. Siç dallohet në video, të dy janë të maskuar dhe kalojnë me motor në Pedonale, duke drejtuar edhe armën. Ngjarja ka ndodhur në datë 10 tetor.
Dy persona me motor i drejtojnë armën, por nuk qëllojnë drejt tij duke u larguar nga vendngjarja. Një ditë më pas, më datë 11 tetor, Arlind Bushati denoncon në Policinë e Shkodrës se persona të paidentifikuar që lëviznin me një motor, i kanë drejtuar armë zjarri.
32-vjeçari, djali i Xhemal Bushatit, ish-kandidat i PD për bashkinë e Shkodrës, nuk u shpëtoi dot plagëve të marra nga atentati i djeshëm. Ai po udhëtonte në të njëjtën makinë me Hamza Licin, por ende nuk dihet se cili prej tyre ka qenë shënjestër e atentatit.
Po ashtu mësohet se në vitin 2022 një nga bizneset e familjes Bushati ka qenë shënjestër e një shpërthimi me tritol.
Me rreth të kuq, Bushati i ulur në kafe dhe në anën tjetër dy personat me armë
