Këshilli Bashkiak i Dibrës i ka dhënë titullin ‘Qytetar Nderi’ Artan Cukut. Ish-drejtuesi i policisë me origjinë nga Lura u vra një vit më parë në hyrje të banesës në Tiranë. Ngjarja e rëndë ndodhi në “Rrugën e Kosovarëve”, pranë Liqenit Artificial në kryeqytet. Cuku u qëllua me armë zjarri në hyrjen e pallatit, teksa po futej për në ashensor.
Artan Cuku ka mbajtur disa poste të rëndësishme, atë drejtorit të policisë së Vlorës në periudhën 2012-2013, por edhe detyrën e nëndrejtorit të policisë për krimet e rënda në Tiranë. Për vrasjen policia arrestoi Mikel Shallarin nga Skrapari. Në kujtim të komisarit u promovua një libër dhe një dokumentar in memoriam.
.jpeg)
Libri, kushtur Artan Cukut
Komento