Shqipëria tashmë ka një udhërrëfyes digjital, fal aplikacionit TEA.
Ky aplikacion është i aksesueshëm falas në të gjithë telefonat dhe u vjen në ndihmë të gjithë turistëve që vizitojnë vendin tonë. Në aplikacion gjenden aktivitetet që ndodhin gjatë sezonit turistik në çdo kohë dhe në çdo vend. Mjafton të vendosësh vendndodhjen dhe aplikacioni do të nxjerrë rezultatet ku veprimtaritë do të jenë të dedikuara për të gjitha grupmoshat.
Ndërsa, ndau sot në Facebook një video informuese mbi këtë aplikacion, kryeministri Edi Rama, tregoi aktivitetet që mund të gjenden në këtë udhërrefyes digjital.
“Shkarko aplikacionin TEA, udhërrefyesin digjital të Shqipërisë turistike dhe do të gjesh: kalendarin e eventeve me detajet përkatëse, akomodim pranë vendeve ku shija lokale nuk mungon, si dhe kontaktet e emergjencës për çdo të papritur. Eksploro Shqipërinë si asnjëherë më parë, më sigurt, më lehtë”, shkruan Rama.
Ky kalendar turistik digjital është realizuar nga Ministria e Turizmit dhe Mjedisit përmes Agjencisë Kombëtare të Turizmit në koordinim me institucione të tjera si Ministria e Kulturës dhe të gjitha bashkitë e vendit.
S.B//ReportTv.al
![](https://www.report-tv.al/template/img/antipiracynote.jpg)